2017 оны 6 дугаар сарын 19-ны өдөр “I”, “II", “III" ангилалд бүртгэлтэй 16 хувьцаат компанийн 17,249 ширхэг хувьцаа арилжигдсанаас 10 хувьцаат компанийн хувьцааны ханш өсч, 4 хувьцаат компанийн хувьцааны ханш буурсан  бол 2 хувьцаат компанийн хувьцааны ханш тогтвортой байлаа. Үүнээс “Говь"  компанийн хувьцааны ханш хамгийн өндөр буюу 8.51%-иар өссөн бол "Авто импекс” компанийн ханш хамгийн өндөр буюу 13.82% хувиар уналаа.

Засгийн газрын үнэт цаасны хоёрдогч зах зээлийн арилжаагаар 27,163 ширхэг үнэт цаас  2,707,877,300 төгрөгөөр арилжаалагдсан байна.

Засгийн газрын үнэт цаасны багцын арилжаагаар 2682 ширхэг үнэт цаас 263,586,960 төгрөгөөр арилжаалагдсан байна.

Энэ өдөр "MSE ALL" индекс 832.31 нэгж болж 1.67%-иар өссөн бол зах зээлийн үнэлгээ 1,453,494,429,870 төгрөг боллоо.  

Арилжааны дэлгэрэнгүй мэдээллийг энд дарж үзнэ үү.      
                              
                                                                           МОНГОЛЫН ХӨРӨНГИЙН БИРЖ