"Монголын Хөрөнгийн Бирж” ТӨХК-ийн Гүйцэтгэх захирлын үүрэг гүйцэтгэгч Д.Ангар 8 дугаар сарын 29-ний өдөр Үл хөдлөх хөрөнгийн чиглэлээр үйл ажиллагааг Монголд явуулж байгаа Канадын “Mongolia Growth Group” ХКомпани болон тус компанийн урилгаар Монголд ирээд буй гадаадын хөрөнгө оруулагч компаниудын төлөөллийг хүлээн авч уулзлаа.

Уулзалтын үеэр Монголын хөрөнгийн биржийн  явуулж буй бодлого шийдвэр, үйл ажиллагаа, хөрөнгийн зах зээлийн өнөөгийн байдал, цаашдын хөгжлийн чиг хандлагын талаар харилцан санал солилцож, хөрөнгийн зах зээл дээр боломжууд нээлттэй байгаа талаар өөрсдийн санал бодлоо  илэрхийллээ.

Тус “Mongolia Growth Group” ХКомпани нь 2011 оны 2 дугаар сард Канадын Хөрөнгийн бирж дээр хувьцаагаа гаргасан бөгөөд өнөөдөр Америк, Канадын 2000 гаруй хөрөнгө оруулагчидтай компани юм.

 

 

 

Мэдээллийн алба 

МОНГОЛЫН ХӨРӨНГИЙН БИРЖ