• en
IPO

Арилжааны тайлан

Индекс

48637.96

( -284 -0.58% )
Индекс Нэгж Өөрчлөлт
Top 20 Индекс 48637.96 -284
MSE A Индекс 17928.86 -112.67
MSE B Индекс 14613.26 26.43

Мэдээ мэдээлэл

04-Р САРЫН 28-НЫ ӨДРИЙН АРИЛЖААНЫ МЭДЭЭ

2025-04-28 16:25:04

Энэ өдөр нийт 19,616,770,028 төгрөгийн үнийн дүн бүхий арилжаа зохион байгуулав. 

"ХУДАЛДАА, ХӨГЖЛИЙН БАНК" ХК 2024 ОНЫ ЦЭВЭР АШГААС НОГДОЛ АШИГ ХУВААРИЛНА

2025-04-28 15:22:00

Тус банк Төлөөлөн Удирдах Зөвлөлийн 2025 оны 04 дүгээр сарын 24-ний өдрийн Дугаар 19 тоот тогтоолоор 2024 оны цэвэр ашгаас нэгж хувьцаанд 2,000.0 (хоёр мянга) төгрөгийн ногдол ашиг хуваарилахаа мэдэгдлээ. 

МОНГОЛ УЛС АЗИЙН ҮНЭТ ЦААСНЫ ФОРУМЫН 30 ДАХЬ ЕРӨНХИЙ ЧУУЛГАНЫГ ЗОХИОН БАЙГУУЛАХ ОРНООР СОНГОГДЛОО

2025-04-28 10:29:53

Монголын Үнэт Цаасны Арилжаа Эрхлэгчдийн Холбоо (МҮЦАЭХ) Ази-Номхон далайн бүсийн үнэт цаасны салбарын хамгийн нэр хүндтэй арга хэмжээ болох Азийн үнэт цаасны форум (ASF)-ын түүхт 30 дахь Ерөнхий чуулганыг 2025 оны 9 дүгээр сарын 10-наас 13-ны өдрүүдэд Улаанбаатар хотноо зохион байгуулах эрхийг авлаа.

Мэдээ мэдээлэл

"ГОВЬ" ХК 1500 АЖИЛТНАА ХУВЬЦААГААР УРАМШУУЛАХ ХӨТӨЛБӨРИЙГ ЭХЛҮҮЛЛЭЭ

2021-06-29 03:56:04

"Монголын хөрөнгийн бирж" ТӨХК-ийн I ангилалд бүртгэлтэй  "Говь" ХК нь 1500 ажилтнаа хувьцаагаар урамшуулах хөтөлбөрийг эхлүүлж байгаатай холбогдуулан цан цохих ёслолын үйл ажиллагаа өнөөдөр зохион байгуулагдлаа. Энэхүү үйл ажиллагаанд "Монголын хөрөнгийн бирж" ТӨХК-ийн Хяналт зохицуулалтын газрын захирал А.Мөнхбаясгалан, "Говь" ХК-ийн Гүйцэтгэх захирал Ц.Баатарсайхан, УИХ гишүүн Ж.Батжаргал, Төв аймгийн засаг дарга Д.Мөнхбаатар, "Говь" ХК-ийн ТУЗ-ийн дарга Д.Гэрэлмаа, "Таван богд капитал" ҮЦК ХХК-ийн гүйцэтгэх захирал Г.Мөнх-Эрдэнэ нар оролцож, Монголын хөрөнгийн биржийн үнэт цаасны 6,502 дахь арилжааг эхлүүлэх хүндэтгэлийн цанг цохилоо. 

Нээлтийн үйл ажиллагааны үеэр "Говь" ХК-ийн Гүйцэтгэх захирал Ц.Баатарсайхан хэлэхдээ 2007 онд хувьчлагдсанаас хойш өнөөдрийг хүртэлх хугацаанд нийт 148 тэрбум төгрөгийн хөрөнгө оруулалт хийж, борлуулалтын орлогыг 11 дахин, хувьцааны ханшийг 13 дахин өсгөсөн байна. Өнөөдөр цар тахалтай холбоотойгоор компани, хувь хүн бүрийн өмнө багагүй бэрхшээл тулгамдаж байгаа ч "Говь" ХК-ийнхан бид энэ бүхнийг үл харгалзан дэлхийн зах зээлд үйл ажиллагаагаа улам тэлж байгаагаас гадна орон нутгийн хөгжилд өөрийн оролцоог нэмэгдүүлэх томоохон зорилгын дор Төв аймагт үйлдвэр цогцлоох төсөл хэрэгжүүлж байгаа  тухай онцлон дурдсан юм.

Хөтөлбөрийн хүрээнд нийт 800,900 ширхэг хувьцааг ажилтнуудын нэр дээрх дансанд худалдан авч байршуулах бөгөөд тусгайлан баталсан журам болон ажилтантай байгуулсан хөдөлмөрийн гэрээний дагуу захиран зарцуулах үйл ажиллагааг зохицуулсан байна.

"Говь" ХК нь 1981 онд байгуулагдсан, ямааны ноосыг технологийн өндөр түвшинд боловсруулж дэлхийд танигдсан ноолууран бүтээгдэхүүн үйлдвэрлэлээрээ тэргүүлэгч брэнд төдийгүй Монголын Хөрөнгийн Биржийн Топ-20 индексийн багцад багтдаг, үйл ажиллагаа, компанийн засаглалаараа тэргүүлэгч компаниудын нэг юм.

МОНГОЛЫН ХӨРӨНГИЙН БИРЖ