2020 оны 10 дугаар сарын 08-ны өдөр энгийн арилжаагаар I, II, III ангиллын 29 хувьцаат компанийн 50,799,238 төгрөгийн үнийн дүн бүхий 223,346 ширхэг хувьцаа арилжигдсанаас 6 хувьцаат компанийн хувьцааны ханш өсч, 21 хувьцаат компанийн хувьцааны ханш буурсан бол 2 үнэт цаасны ханш тогтвортой байлаа. Үүнээс "Стандарт агрикалчер групп " ХК (SOH +14.29%) болон "Улсын их дэлгүүр " ХК (UID +12.40%)-ийн хувьцааны ханш хамгийн өндөр өсөлттэй байсан бол "Тандэм инвэст" ХК (VIK-6.25%) болон "Монгол Базальт" ХК (MBW -5.76%)-ийн хувьцаа хамгийн их уналттай байлаа.
Энэ өдөр компанийн бондын хоёрдогч зах зээлийн арилжаанд нийт 251 ширхэг үнэт цаас 25,102,510 төгрөгөөр арилжигдсан байна.
Үнэт цаасны анхдагч зах зээлийн захиалга хүлээн авч буй "Үндэсний хувьчлалын сан" нь нийт 448,642,700 төгрөгийн үнийн дүн бүхий нэгж эрхийн худалдан авах 380 захиалга хүлээн авч, захиалгын явц 10.29% хувьд хүрсэн байна. Захиалгын явцыг эндээс үзнэ үү.
ТOP 20 индекс 0.76 хувиар өсч, 17549.35 нэгжид хүрсэн бол зах зээлийн үнэлгээ 2,594,632,598,003.44 төгрөг боллоо.
Арилжааны дэлгэрэнгүй мэдээллийг Энд дарж үзнэ үү.
МОНГОЛЫН ХӨРӨНГИЙН БИРЖ