2013 оны 5 дугаар сарын 24-ний өдөр Үнэт цаасны зах зээлийн тухай хууль батлагдсантай холбогдуулан авах зарим арга хэмжээний тухай УИХ-ын 41 дүгээр тогтоолын 6 дугаарт “Хөрөнгийн зах зээлийг дэмжих бодлогын хүрээнд Засгийн газрын урт хугацаат өрийн хэрэгслийг хөрөнгийн биржээр дамжуулан арилжаалах арга хэмжээг авах” ажлын хүрээнд Монголын хөрөнгийн биржээр дамжуулан 1,010,360,000 төгрөгийн Засгийн газрын бондын хоёрдогч зах зээлийн арилжаа амжилттай явагдлаа.
Засгийн газрын бондын хоёрдогч зах зээлийн арилжааг Монголын хөрөнгийн биржээр явуулснаар хөрөнгийн зах зээлийн үнэт цаасны хөрвөх чадвар сайжирч, санхүүгийн зах зээлд богино болон урт хугацаат өрийн хэрэгслийн жишиг үнийн болон хүүгийн түвшин тогтох боломж нээгдэхээрээ онцлогтой юм.
Мэдээллийн алба
МОНГОЛЫН ХӨРӨНГИЙН БИРЖ