Монголын хөрөнгийн бирж нь Монголын бизнесийн зөвлөлтэй хамтран 2013 оны 7 дугаар сарын 04-ний өдөр 09:30-12:30 цагийн хооронд “Үнэт цаасны зах зээлийн тухай хуулийн танилцуулга” нээлттэй хурал, танилцуулгыг амжилттай зохион байгууллаа. Арга хэмжээнд 90 гаруй төлөөлөгчид, үүний дотор зохицуулагч байгууллагууд, мэргэжлийн байгууллагууд, хуулийн фирм, хувьцаат компаниуд, хөрөнгө оруулагчид, олон улсын байгууллагын төлөөлөгчид, оролцсон.  

    Тус хуралд илтгэгчид Үнэт цаасны зах зээлийн тухай хуулийн шинэчилсэн найруулгын үндсэн зүйл, заалтууд, зах зээлд бий болж буй боломжууд болон нэвтэрч буй шинэ ухагдахуун ойлголт, бүтээгдэхүүн, үйлчилгээний талаар онцлон тэмдэглэж зохицуулалт хийгээд мэргэжлийн байгууллагуудын оролцоо, үйл ажиллагааны талаар танилцуулж оролцогчдын асуултад хариулт өгөв.

Илтгэгчид:
Х.Алтай, Монголын хөрөнгийн биржийн гүйцэтгэх захирал
Б.Саруул, Санхүүгийн зохицуулах хороо, Үнэт цаасны газрын дарга
А. Билгүүн, MIBG компанийн гүйцэтгэх захирал
Ж.Ганбаатар, Хас банкны ерөнхий захирал
Роберт Рүүкс, ХонгКонг дахь PwC-н захирал
Антони Вүүлей, Hogan Lovells хуулийн фирмийн ахлах хуульч




*******