"Монголын хөрөнгийн бирж" ТӨХК нь өөрийн цахим хуудасны бүтэц, зохион байгуулалт, агуулгыг сайжруулан шинэчилж ашиглалтад орууллаа. Энэхүү шинэчлэгдсэн хувилбараар хөрөнгө оруулагчид бүртгэлтэй хувьцаат компаниудын мэдээллийг нүүр хуудсаар дамжуулан цаг алдалгүй, хялбар аргаар авах боломжтойгоос гадна "Таны мэдлэгт" булангаас хөрөнгийн зах зээлийн үндсэн ойлголт, арилжаанд хэрхэн оролцох тухай танилцуулга, хийсвэр арилжааны платформ болон хөрөнгийн зах зээлийн мэдлэг олгох бусад мэдээлэл, материалуудтай танилцах боломжтой юм. Түүнчлэн, "Үнэт цаас бүртгүүлэх" цэснээс хөрөнгийн зах зээлд хувьцаа, бонд гаргах сонирхолтой компаниуд хөрөнгийн зах зээлээс хөрөнгө босгох тухай мэдээ мэдээллийг нэг дороос авах боломж бүрдлээ.

Цахим хуудасны агуулга, загварын талаарх олон нийтийн санал, хүсэлтийг бид info@mse.mn хаягаар болон 1900-2475 313747-3312 утсаар хүлээн авч, цахим хуудсыг илүү сайжруулж ажиллах болно. 

МОНГОЛЫН ХӨРӨНГИЙН БИРЖ