Төрийн өмчийн хорооны 2012 оны 11 дүгээр сарын 29-ний өдрийн 554 тоот тогтоол болон 2013 оны 1 дүгээр сарын 24-ний өдрийн 23 тоот тогтоолоор “Монголын хөрөнгийн бирж” ТӨХК-ийн төлөөлөн удирдах зөвлөлийн өмнөх гишүүдийг чөлөөлж, шинэ гишүүдийг дараах бүрэлдэхүүнтэйгээр томиллоо. Үүнд:

     ТУЗ-ийн даргаар Төрийн өмчийн хорооны Бүтцийн өөрчлөлтийн бодлогыг хэрэгжүүлэх газрын дарга М.Батгэрэл, гишүүдээр  Санхүүгийн зохицуулах хорооны Дэд дарга Б.Даажамба, Эдийн засгийн хөгжлийн яамны Хөгжлийн бодлого, стратеги төлөвлөлтийн газрын Нэгдсэн төлөвлөлтийн хэлтсийн дарга Г.Батхүрэл, Эрчим хүчний яамны Хуулийн хэлтсийн дарга Б.Баяр, Уул уурхайн яамны Төрийн захиргааны удирдлагын газрын Гадаад хамтын ажиллагааны хэлтсийн дарга А.Хүрэлбат, Үйлдвэр, хөдөө аж ахуйн яамны Хүнд үйлдвэрийн бодлогын хэрэгжилтийг зохицуулах газрын дарга М.Баянмөнх, хараат бус гишүүдээр “МАК” компанийн Нийгмийн хариуцлага тогтвортой хөгжлийн газрын захирал Д.Болормаа, “Либерти Партнерс” ХХК-ийн Гүйцэтгэх захирал Ч.Ганбат, болон “ЭмДиЭс энд Ассошейтс” хуулийн фирмийн Ерөнхий партнер Ж.Майзориг нар сонгогдлоо. 

Мэдээллийн алба
МОНГОЛЫН ХӨРӨНГИЙН БИРЖ