Ази Номхон Далайн Бүс Нутгийн Худалдаа Аж Үйлдвэрийн Танхимын Нэгдсэн Холбооны ерөнхийлөгч ноён Бенедико В.Южьюко болон албаны бусад төлөөлөгчид 2012 оны 8-р сарын 1-5-ны өдрүүдэд Монгол улсад албаны айлчлал хийж байгаа бөгөөд тус айлчлалынхаа хүрээнд МХБ-д зочлон, МХБ-ийн үйл ажиллагаатай нь танилцан санал бодлоо солилцож мөн Холбооны үйл ажиллагааны талаар мэдээлэл хийсэн байна.

Тус холбоо нь 1966 онд байгуулагдаж эдүүгээ 27 орны Худалдаа Аж Үйлдвэрийн Танхимуудыг эгнээндээ нэгтгэн бүсийн хэмжээнд бизнес эдийн засгийн хөгжлийг хангахад чармайлт гарган үйл ажиллагаа явуулж байгаа нэр хүндтэй байгууллага юм. Монголын Үндэсний Худалдаа Аж Үйлдвэрийн Танхим нь тус холбоонд 2002 онд үндсэн гишүүнээр элсэж Холбооны үйл ажиллагааг Монголд хүргэн ажиллаж байгаа юм.