2015-2016 онд Төрийн өмчийг хувьчлах, өөрчлөн байгуулах УИХ-ын 70, Засгийн газрын 330 тоот тогтоолын хүрээнд “Багануур” ХК-ийн нэмж гаргасан хувьцааг олон нийтэд арилжаалах зөвшөөрлийг Санхүүгийн зохицуулах хороо 2016 оны 6 сарын 15-ны өдрийн 233 тоот тогтоолоор олгож, 100 төгрөгийн нэрлэсэн үнэтэй нийт 9,870,287 ширхэг энгийн хувьцааг Монголын хөрөнгийн бирж бүртгэн авсан.

2016 оны 6 сарын 20 өдөр "Багануур" ХК-ийн нэмэлт Үнэт цаасыг олон нийтэд танилцуулах арга хэмжээ /Road show/ Монголын хөрөнгийн биржийн байранд зохион байгуулагдлаа. Тус компанийн Андеррайтер компаниар “ТиДиБи Капитал” Үнэт цаасны компани ажиллаж байна.

Дашрамд дурдахад 2015-2016 онд Монголын хөрөнгийн биржээр дамжин олон нийтэд нээлттэй хувьчлагдахаар 9 компани УИХ, ЗГ-ын тогтоолд тусгагдсанаас энэ оны 1 дүгээр сард “Монгол шуудан” ХК-ийн арилжаа амжилттай явагдсан бөгөөд "Багануур" ХК-ийн нэмэлт хувьцааны анхдагч зах зээлийн арилжаа ойрын үед явагдана.

МОНГОЛЫН ХӨРӨНГИЙН БИРЖ