МХБ-д бүртгэлтэй “Гермес центр” ХК 2015 оны эхний хагас жилийн цэвэр ашгаас нэгж хувьцаанд ногдох ашгийн хэмжээг 4 төгрөг 96 мөнгө буюу нийт 389,279,660.73 төгрөгийг хувьцаа эзэмшигчдэд хувиарлах боллоо. Ногдол ашиг авах эрхтэй хувьцаа эзэмшигчдийн нэрсийн жагсаалт гаргах бүртгэлийн өдрийг 2015 оны 08 дугаар сарын 28-ны өдрөөр тасалбар болгосон байна.

Дашрамд дурьдахад “Гермес центр” ХК нь 2008 оны 05 сарын 16-ны өдөр МХБ-д бүртгүүлсэн бөгөөд 100 төгрөгийн нэрлэсэн үнэтэй, 5,048,820,200.00 төгрөгийн хөрөнгийг олон нийтээс татан төвлөрүүлж амжилттай IPO хийсэн компаниудын нэг билээ.

2014 оны эхний хагас болон жилийн эцсээр нийт 937,018,002.00 төгрөгийн ногдол ашиг олгосон ба 2015 оны 03 сарын 10 өдөр 319,670,014.00 төгрөгийн ногдол ашиг хувьцаа эзэмшигчиддээ олгосон байна.

 

          Арилжаа, хяналтын алба