МХБ, Үнэт цаасны зах зээлд оролцогч мэргэжлийн байгууллагуудтай хамтран бизнес эрхлэгчдийг Хөрөнгийн зах зээлд гаргах олон ажлуудыг зохион байгуулж байгаа билээ.

Өнгөрсөн хугацаанд бизнес эрхлэгчдэд Хөрөнгийн зах зээлээс хөрөнгө босгох, үнэт цаас гаргах тухай мэргэжлийн зөвлөмж өгөх зорилго бүхий сургалт семинарыг зохион байгуулж, үнэт цаас гаргах сонирхол бүхий компаниудыг МХБ-ийн гишүүн андеррайтерийн компаниудтай холбож, үнэт цаас гаргах бэлтгэл ажлыг эхлүүлээд  байгаа юм.
6 дугаар сарын 5-ны өдөр Монголын хөрөнгийн биржийн Гүйцэтгэх захирал Д.Ангар Аж үйлдвэрийн яамны төрийн нарийн бичгийн дарга Д.Нямхүүтэй уулзаж, санал дэвшүүллээ.
Уулзалтын үеэр Монголын хөрөнгийн бирж өөрийн хэрэгжүүлж буй бодлого чиглэл, хөрөнгийн зах зээл дээр буй боломжийг танилцуулсан бөгөөд хамтарсан ажлын хэсэг байгуулж, аж үйлдвэрийн төслүүдийг санхүүжүүлэх боломжийн талаар нарийвчилсан судалгааг хийхээр боллоо.

 

Маркетинг, олон нийттэй харилцах алба

МОНГОЛЫН ХӨРӨНГИЙН БИРЖ