2015 оны 5 дугаар сарын 28-ны өдөр хөрөнгө оруулалтын зөвлөх, зуучлалын чиглэлээр үйл ажиллагаа явуулдаг “MICC” ХХКомпани болон Лондон хотноо төвтэй олон улсын хөрөнгө оруулалтын чиглэлээр үйл ажиллагаа явуулдаг "CQS" компанийн төлөөлөл Монголын хөрөнгийн биржид зочиллоо.
Уулзалтын үеэр Монголын Хөрөнгийн Биржийн Гүйцэтгэх захирлын үүрэг гүйцэтгэгч Д.Ангар Монголын хөрөнгийн биржээс явуулж буй бодлого шийдвэр, үйл ажиллагаа, хөрөнгийн зах зээлийн өнөөгийн байдал, цаашдын хөгжлийн чиг хандлагын талаар мэдээлэл өгсөн бол, "MICC" ХХК-ийн ТУЗ-ийн дарга Жиль Гурьер де Думаст болон "CQS" компанийн Гүйцэтгэх захирал Марк Хотимски нар хөрөнгийн зах зээл дээр боломжууд нээлттэй байгаа талаар болон Монголын хөрөнгийн зах зээлд хөрөнгө оруулалт хийх сонирхолтой байгаагаа илэрхийллээ.
Маркетинг Олон нийттэй харилцах алба
МОНГОЛЫН ХӨРӨНГИЙН БИРЖ