Монголын хөрөнгийн бирж Япон Улсын Засгийн газрын Жайка олон улсын байгууллагатай хамтран өөрийгөө зохицуулах байгууллага бий болгох талаар уулзалт семинарыг зохион байгууллаа.

Уг уулзалт семинарт МХБ-ийн Гүйцэтгэх захирал Д.Ангар өөрийгөө зохицуулах байгууллага болохын ач холбогдол, МХБ-ын бодлого чиглэлийн талаар танилцуулга, Жайкагийн төслийн багаас өөрийгөө зохицуулах байгууллагын олон улсын жишиг, олон улсын үнэт цаасны хороонд тавьдаг стандарт болон бусад асуудлаар Монголын хөрөнгийн биржийн ТӨХК-ын ТУЗ-ийн гишүүдэд танилцуулга хийж, харилцан санал солилцлоо.

Үнэт цаасны зах зээлийн тухай хуулиар Хөрөнгийн бирж, Арилжааны тооцооны болон үнэт цаасны төвлөрсөн хадгаламжийн төв, Арилжаа эрхлэгчдийн холбоо гэсэн дөрвөн байгууллага нь өөрийгөө зохицуулах байгууллага байхаар заасан байдаг бөгөөд Өөрийгөө зохицуулдаг байгууллага болсноор Санхүүгийн зохицуулах хорооны зарим нэг чиг үүрэг тухайн байгууллагад шилжинэ гэсэн үг. Тодруулбал, өөрийн гэсэн дүрэм журамтай, гишүүн байгууллагуудтайгаа ёс зүйн дүрэм боловсруулах, зах зээлийг ил тод шударга, нээлттэй явуулах олон улсын стандартуудыг нэвтрүүлэх зэрэг ач холбогдолтой юм.

 

 

Маркетинг Олон нийттэй харилцах алба

МОНГОЛЫН ХӨРӨНГИЙН БИРЖ