Монгол улсын гурван сая дахь иргэн Х.Монголжин охины аав Э.Хатанболд Монголын хөрөнгийн биржээр зочилж, Засгийн газрын үнэт цаас худалдан авах эрхийн бичгээ гардан авч Ард Секьюритиз ҮЦК дээр үнэт цаасны данс нээлгэж, тус компанийн харилцагч болсноор Монгол улсын гурван сая дахь иргэн Х.Монголжин охин хөрөнгийн зах зээлийн хамгийн залуу тоглогч боллоо.
Дашрамд дурдахад Монголын хөрөнгийн биржээс 2 дугаар сард зохион байгуулсан Үнэт цаасны зах зээлийн нээлттэй өдөрлөг арга хэмжээний үеэр Ард санхүүгийн нэгдлийн гүйцэтгэх захирал Ч.Ганхуяг Монгол улсын гурван сая дахь иргэн Х.Монголжин охинд сая төгрөгийн ЗГҮЦ эзэмшүүлэхээр болсон юм. Мөн Олимпийн аварга хөдөлмөрийн баатар, гавьяат тамирчин Э.Бадар-Ууган үнэт цаасны данс нээлгэн хөрөнгийн зах зээлийн тоглогч болохоо илэрхийлсэн билээ.

Монголын хөрөнгийн зах зээл хөгжин дэвжих болтугай!

МОНГОЛЫН ХӨРӨНГИЙН БИРЖ