Монголын Хөрөнгийн биржээс Хувьцаат компаниудын мэдээллийн ил тод байдлыг нэмэгдүүлэх, компанийн засаглалыг сайжруулахад дэмжлэг үзүүлэх зорилгоор Компанийн засаглалыг дэмжих нэгжийг байгуулан ажиллаж байгаа билээ. Тус нэгжээс “Жилийн үйл ажиллагааны тайлан бэлтгэх тухай” болон “ХК өөрийн цахим хуудсанд хөрөнгө оруулагч, хувьцаа эзэмшигчдэд зориулсан булантай байх” тухай зөвлөмжийг гарган ХК-иудад хүргүүлсэн.

 

 

Энэ дагуу МХБ-ийн ТОП-20 индексийн сагсыг бүрдүүлэгч хувьцаат компаниудаас хамгийн түрүүнд “Таван толгой” ХК-иас дээрх зөвлөмжийг үйл ажиллагаандаа хэрэгжүүлэн ажиллаж байгаа талаар мэдэгдэл ирүүллээ. МХБ-ийн санаачлагыг дэмжиж, Компанийн сайн засаглалын чухал бүрэлдэхүүн хэсэг болсон мэдээллийн ил тод байдлыг ханган ажиллахаа мэдэгдсэн “Таван толгой” ХК-д нийт хувьцаа эзэмшигч, хөрөнгө оруулагчдын өмнөөс талархал илэрхийлье.

 

Биржид бүртгэлтэй нийт ХК-иуд “Таван толгой” ХК-ийн үлгэр дууриаллаар энэхүү зөвлөмжийг үйл ажиллагаандаа хэрэгжүүлэн ажиллахыг уриалж байна.   

 

/Зөвлөмжийг “Компанийн засаглал” булангаас үзнэ үү/. 

Компанийн засаглалыг дэмжих нэгж

МОНГОЛЫН ХӨРӨНГИЙН БИРЖ