Сангийн яамны үнэт цаас бүртгүүлэх хүсэлтийн дагуу  3 дахь ээлжийн 100 тэрбум төгрөгийн Засгийн газрын үнэт цаасыг МХБ-ийн үнэт цаасны бүртгэлд бүртгэн авлаа.

Өнөөдөр /2015.04.21/ арилжигдахаар зарлагдсан 12 долоо хоног буюу 3 сарын хугацаатай, жилийн 14.988%-ийн хүүтэй,  65,835 ширхэг, 6.5835 тэрбум төгрөгийн ЗГҮЦ  дээр 3 дахь ээлжийн  100 тэрбум төгрөгийн үнэт цаасыг нэмж арилжихаар боллоо.  
Дашрамд дурдахад 2014 оны 10 дугаар сарын 23-ны өдөр анхны 100 тэрбум төгрөгийн ЗГҮЦ-ыг, 2 дахь ээлжийн  үнэт цаасыг 2015 оны 3 дугаар сарын 10-ны өдөр тус тус  бүртгэн авч байсан юм.
Өнгөрсөн хугацаанд урт болон богино хугацаат ЗГҮЦ-ны анхдагч зах зээлийн арилжааг 26  удаа зохион байгуулж, нийт 183.4 тэрбум төгрөгийн үнэт цаасыг арилжсан байна.

 

Үнэт цаас бүртгэх тухай тушаалтай энд дарж танилцана уу.

Маркетинг олон нийттэй харилцах алба

МОНГОЛЫН ХӨРӨНГИЙН БИРЖ