2015 оны I улирлын байдлаар Засгийн газрын үнэт цаасны анхдагч зах зээлийн арилжаа 12 удаа явагдаж нийт 1,118,463 ширхэг үнэт цаасыг 108.1 тэрбум төгрөгөөр арилжаад байна. Харин ЗГҮЦ-ны хоёрдогч зах зээлийн арилжаа 9 удаа явагдаж 2,090 ширхэг үнэт цаасыг 204.6 сая төгрөгөөр арилжсан байна.  

Анхдагч зах зээл дээр нийт 108.1 тэрбум төгрөгийн ЗГҮЦ арилжигдсанаас 12 долоо хоногтой ЗГҮЦ-ны арилжаа ихэнх буюу 96.4%-ийг, 28 долоо хоногтой үнэт цаас 1.5%, 52 долоо хоногтой үнэт цаас нийт арилжааны 2.1%-ийг тус тус эзэлж байна.

МХБ дээр арилжигдаж буй ЗГҮЦ-ыг хүүгийн хэмжээ болон арилжигдсан хэмжээгээр нь авч үзвэл 12 долоо хоног буюу 3 сарын хугацаатай ЗГҮЦ-ны хүүгийн хэмжээ буурсан хэдий ч арилжааны хэмжээ өссөн байна.  

Мөн 28 болон 52 долоо хоногтой ЗГҮЦ-ны хүүгийн хэмжээ болон арилжааны хэмжээ дараах байдалтай байна.  

       
ЗГҮЦ-ны хоёрдогч зах зээлийн арилжаагаар 12, 28 болон 52 долоо хоногтой үнэт цаасууд арилжигдаж нийт 204.6 сая төгрөгийн гүйлгээ хийгдсэн байна.