• en
IPO

Арилжааны тайлан

Индекс

48393.67

( -202.42 -0.42% )
Индекс Нэгж Өөрчлөлт
Top 20 Индекс 48393.67 -202.42
MSE A Индекс 17994.51 -2.91
MSE B Индекс 14464.85 35.7

Мэдээ мэдээлэл

08-Р САРЫН 29-НИЙ ӨДРИЙН АРИЛЖААНЫ МЭДЭЭ

2025-08-29 17:17:50

Энэ өдөр нийт 20,859,934,843 төгрөгийн үнийн дүн бүхий арилжаа зохион байгууллаа.

ЗГДҮЦ-НЫ АНХДАГЧ ЗАХ ЗЭЭЛИЙН АРИЛЖАА 2025 ОНЫ 9 ДҮГЭЭР САРЫН 3-НЫ ӨДӨР ЯВАГДАНА

2025-08-29 11:50:43

Анхдагч зах зээлийн арилжаагаар нэг бүр нь 100,000 төгрөгийн нэрлэсэн үнэтэй, 50,000 ширхэг, 5.0 тэрбум төгрөгийн үнийн дүн бүхий ЗГДҮЦ-ыг олон нийтэд санал болгож, нийт 5.0 тэрбум төгрөгийг татан төвлөрүүлнэ.

"ШУНХЛАЙ" ХХК-ИЙН ӨРИЙН ХЭРЭГСЛИЙГ ҮНЭТ ЦААСНЫ БҮРТГЭЛД БҮРТГЭЖ, I ТРАНЧИЙН АНХДАГЧ ЗАХ ЗЭЭЛИЙН АРИЛЖААГ 09 ДҮГЭЭР САРЫН 02-НЫ ӨДӨР ЭХЛҮҮЛЭХЭЭР БОЛЛОО

2025-08-29 11:50:04

“Шунхлай” ХХК-ийн өрийн хэрэгслийн 1 дүгээр транчийн анхдагч зах зээлийн арилжааг 2025 оны 9 дүгээр сарын 2-ны өдрөөс 8-ны өдрийн 17:00 цаг хүртэл ажлын 5 өдрийн хугацаанд явуулах бөгөөд Транч 1 бондод 40.0 тэрбум төгрөг хүртэлх санхүүжилтийг татан төвлөрүүлэхээр төлөвлөсөн байна. 

Мэдээ мэдээлэл

“ИННОВЭЙШН ИНВЕСТМЕНТ” ХК 2025 ОНЫ ХАГАС ЖИЛИЙН ҮЙЛ АЖИЛЛАГААНЫ ТАЙЛАНГАА ОЛОН НИЙТЭД НЭЭЛТТЭЙ ТАНИЛЦУУЛЛАА

2025-08-07 17:19:20

“Монголын хөрөнгийн бирж” ХК-ийн 2 ангилалд бүртгэлтэй “Инновэйшн инвестмент" ХК-ийн Гүйцэтгэх захирал Б.Энхболд 2025 оны 8 дугаар сарын 07-ны өдөр 2025 оны хагас жилийн үйл ажиллагааны тайлан, санхүүгийн үр дүнгээ танилцууллаа.

Тайлант хугацаанд:

Байгууллагын үйл ажиллагааны төлөвлөгөөний биелэлтийн явц:

  • 2025 онд төлбөр тооцооны зах зээл дэх байр сууриа бэхжүүлэх, нэмэгдүүлэх үүднээс Бизнес төлөвлөгөөнд тусгагдсаны дагуу хүний нөөц, суурь дэд бүтэц, бүтээгдэхүүн хөгжүүлэлт, брэндинг, маркетингийн үйл ажиллагаандаа илүү анхааран, эрчимжүүлж ажилласны үр дүнд 2024–2025 онд QPay үйлчилгээгээр хийгдсэн гүйлгээний тоо улирал тутам дунджаар 13.8 хувиар, харин гүйлгээний үнийн дүн 15.5 хувиар өссөн байна.

  • 2025 оны хагас жилд  QPay үйлчилгээгээр 7.4 их наяд төгрөгийн үнийн дүн бүхий 113.8 сая ширхэг гүйлгээг дамжуусан бөгөөд 2024 оны эцэст нийт бэлэн бус төлбөр тооцооны зах зээлийн 8.5 хувийг эзэлж байсан бол энэхүү үзүүлэлт 2025 оны эхний хагас жилд 10 хувьд хүрч, зах зээлд эзлэх байр сууриа улам бэхжүүллээ.

2025 оны эхний хагас жилийн санхүүгийн гүйцэтгэл:

  • “Инновэйшн Инвестмент” ХК-ийн 2025 оны эхний хагас жилийн цэвэр ашиг 7.3 тэрбум төгрөгт хүрснээр өнгөрсөн оны мөн үеэс 38.6 хувиар өсч хагас жилийн төлөвлөгөөг 124 хувиар биелүүллээ.   

  • Нэгж хувьцаанд ногдох ашиг (EPS) 2025 оны эхний хагас жилд 39.6 төгрөгт хүрч өмнөх оны мөн үеэс 38 хувиар өслөө.

  • Мөн борлуулалтын орлого 16.5 тэрбум төгрөгт хүрч өмнөх оны мөн үеэс 50.2 хувиар, нийт хөрөнгө 25.3 тэрбум төгрөгт хүрч 20.2 хувиар, өөрийн хөрөнгө 22.9 тэрбум төгрөгт хүрч 27.8 хувиар тус тус өссөн үзүүлэлттэй байна.

2025 оны эхний хагас жилийн онцлох үйл явдлууд:

  • Мэдээллийн аюулгүй байдлын менежментийн тогтолцооны хэрэгжилтэд Франц улсын Афнор байгууллагын итгэмжлэлээр МонсертФ ХХК-аар ISO 27001:2022 стандартын магадлах аудитыг амжилттай хийлгэлээ.

  • 2025 оны 1 улирлаас эхлэн иргэн мерчант цахимаар гэрээ байгуулан QPay хэвлэмэл QR-ийг хүргэлтээр авах боломжтой болов.

  • Apache JMeter системийг нэвтрүүлсэн ба ингэснээр системийн ачааллын хэмжилтийг богино хугацаанд тогтмол хийж, өгөгдлийн сангийн системийн үйл ажиллагааг тогтмол хэмжиж чаддаг болсон. Үүний үр дүнд системийн ачаалал даах чадварыг тогтмол сайжруулж, систем, үйл ажиллагаа доголдох эрсдлийг буурууллаа.

Та бүхэн “Инновэйшн инвестмент"ХК-ийн  2025 оны жилийн хагас жилийн тайлангийн танилцуулгыг энд дарж үзнэ үү.

Шууд дамжуулалтыг “Монголын хөрөнгийн бирж” ХК-ийн албан ёсны фэйсбүүк хаягаар энд дарж үзнэ үү.

 

МОНГОЛЫН ХӨРӨНГИЙН БИРЖ