МХБ-ийн Төлөөлөн удирдах зөвлөлийн 2014 оны 12 дугаар сарын 30-ны өдрийн ээлжит хурлаар “Үнэт цаасны индекс тооцох журам”-ыг шинэчлэн баталлаа.

 

Уг журам хэрэгжсэнээр “MSE ALL” нэгдсэн индексийг албан ёсоор тооцож эхлэхээс гадна сагсан дахь компаниудын зах зээлийн үнэлгээ эрс тэс байгаагаас шалтгаалж нэг үнэт цаасны өсөлт  бууралт нь индекст хүчтэй савалгаа үүсгэж зах зээлийн бодит байдлыг гажуудуулж буй явдлыг арилгах  зорилгоор нэг үнэт цаасны  индекст нөлөөлөх нөлөөллийг 15%-иар хязгаарлах, хаалтын ханш тогтох аргачлалыг өөрчилж тухайн арилжааны өдөр хийгдсэн бүх арилжааны тоо хэмжээний жигнэсэн дундаж ханшаар тооцоолохоор тусгагдсан нь хаалтын ханшийг бодитоор тогтоох ач холбогдолтой юм. 

 

Мөн “ТОП-20” индексийн сагсыг жилд 2 удаа шинэчилж байхаар боллоо.

 

Санхүүгийн зохицуулах хороо дээрх журмыг  батламжилсанаар хэрэгжиж эхэлнэ.

Мэдээллийн алба 

МОНГОЛЫН ХӨРӨНГИЙН БИРЖ