Монгол Улсад өмч хувьчлалын ажлыг эхлvvлэх, vнэт цаасны зах зээлийг хөгжvvлэх зорилгоор Монголын хөрөнгийн биржийг 1991 онд Монгол Улсын Засгийн газрын 22 тоот тогтоолоор үүсгэн байгуулсан.

Өдгөө 34 жилийн түүхийг бүтээж буй Монголын хөрөнгийн биржийн хамт олон өнөөдөр (2025.07.09) Төрт ёсны уламжлал, үндэсний их наадмыг угтсан баярын хурлаа хийлээ.

Гүйцэтгэх захирлын үүргийг түр орлон гүйцэтгэгч Б.Дөлгөөн хурлыг нээж хэлсэн үгэндээ: “Монголын хөрөнгийн биржийн ирэх жилүүдийн зорилго, алсын хараа, олон улсын хөрөнгө оруулалтыг татах, дотоодын нийт хүн амыг хөрөнгийн зах зээлийн мэдлэг мэдээллээр хангах чиглэлд хийж хэрэгжүүлэх ажлын талаар” тойм мэдээлэл өгсний дараа 2025 оны эхний хагас жилийн байдлаар хамт олноо манлайлан ажилласан зарим мэргэжилтнүүдийг шагнаж урамшуулсан юм.

Санхүү банкны тэргүүний ажилтан цол, тэмдгээр: 

Хяналт шинжилгээний албаны Гишүүн хариуцсан мэргэжилтэн Ц.Ганчимэг, Бүртгэлийн албаны Үнэт цаас гаргагч хариуцсан мэргэжилтэн А.Маналжав нар.

Сангийн яамны жуух бичгээр:

Уул уурхайн бүтээгдэхүүний арилжаа, бүртгэлийн газрын ахлах мэргэжилтэн О.Гантигмаа, Уул уурхайн бүтээгдэхүүний гишүүнчлэл хариуцсан мэргэжилтэн А.Цэрэнлхам нар тус тус шагнагдлаа.

МОНГОЛЫН ХӨРӨНГИЙН БИРЖ