2025 оны 04 дүгээр сарын 15-ны өдөр энгийн арилжаагаар 45 хувьцаат компанийн 429,019,819 төгрөгийн үнийн дүн бүхий 990,593 ширхэг хувьцаа арилжаалагдсанаас 19 компанийн хувьцааны ханш өсч, 22 компанийн хувьцааны ханш буурсан бол 4 компанийн ханш тогтвортой байлаа.

Үүнээс Сүү ХК (SUU +11.03%), Говь ХК (GOV +7.97%), Монгол савхи ХК (UYN +7.75%) зэрэг компаниудын хувьцааны ханш хамгийн өндөр өсөлттэй байсан бол Техник импорт ХК (TEX -14.92%), Монгол шилтгээн ХК (MSH -14.68%), Фронтиер Лэнд Групп ХК (MDR -7.50%)-ийн хувьцаа хамгийн их уналттай байв.

Мөн өнөөдрийн үнэт цаасны арилжаагаар: 

• Хөрөнгө оруулалтын 2 сангийн 5,662 ширхэг нэгж эрх 4,134,585 төгрөгөөр,

• Хөрөнгөөр баталгаажсан 216 ширхэг үнэт цаас 20,100,000 төгрөгөөр,

• Компанийн бондын хоёрдогч зах зээлийн арилжаагаар 500 ширхэг үнэт цаас 50,000,000 төгрөгөөр тус тус арилжигдсан байна.

Уул уурхайн бүтээгдэхүүний арилжаагаар:

• "Хангад Эксплорэйшн" ХХК-ийн 2 багц 12,800 тонн баяжуулсан сул коксжих нүүрс 7,680,000 юань буюу 3,716,736,000  төгрөгөөр арилжигдлаа.

Энэ өдөр нийт 4,219,990,404 төгрөгийн үнийн дүн бүхий арилжаа зохион байгуулав. 

ТOП-20 индекс 1.11% хувиар буурч, 47,476.74 нэгж болсон бол зах зээлийн үнэлгээ 11,707,593,709,360 төгрөг боллоо. 

• Үнэт цаасны арилжааны дэлгэрэнгүй мэдээллийг энд дарж үзнэ үү. 

• Уул уурхайн бүтээгдэхүүний арилжааны дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ