• en
IPO

Арилжааны тайлан

Индекс

48606.22

( 87.2 0.18% )
Индекс Нэгж Өөрчлөлт
Top 20 Индекс 48606.22 87.2
MSE A Индекс 17634.5 11.33
MSE B Индекс 14427.73 71.08

Мэдээ мэдээлэл

06-Р САРЫН 20-НЫ ӨДРИЙН АРИЛЖААНЫ МЭДЭЭ

2025-06-20 16:03:27

Энэ өдөр нийт 10,939,857,112 төгрөгийн үнийн дүн бүхий арилжаа зохион байгуулав. 

ҮНЭТ ЦААСНЫ ЗАХ ЗЭЭЛИЙН АНХАН ШАТНЫ МЭДЛЭГ ОЛГОХ 6 ДУГААР САРЫН СУРГАЛТ ЗОХИОН БАЙГУУЛАГДЛАА

2025-06-20 14:18:53

"Монголын хөрөнгийн бирж" ХК иргэдийн цаг хугацаа, орон зайнаас үл хамааран сурч хөгжих боломжийг хангахаар тус сургалтыг цахим хэлбэрт шилжүүлж буй бөгөөд техникийн шаардлага бүрэн хангагдмагц олон нийтэд мэдээлэх болно.

ЗГДҮЦ-НЫ АНХДАГЧ ЗАХ ЗЭЭЛИЙН АРИЛЖАА 2025 ОНЫ 06 ДУГААР САРЫН 25-НЫ ӨДӨР ЯВАГДАНА

2025-06-20 11:54:10

Засгийн газрын хямдруулалттай, купонтой дотоод үнэт цаасны анхдагч зах зээлийн арилжааг 2025 оны 06 дугаар сарын 25-ны өдрийн 10:00 цагт зохион байгуулах ба хөрөнгө оруулагч та бүхэн анхдагч болон хоёрдогч зах зээлийн арилжаанд өөрийн харилцдаг үнэт цаасны компаниар дамжуулан оролцоно уу.

Мэдээ мэдээлэл

"МОНГОЛЫН ХӨРӨНГИЙН БИРЖ" ХК-ИЙН УДИРДЛАГУУД ГАШУУН СУХАЙТ БООМТОД АЖИЛЛАЛАА

2025-03-24 11:13:53

Монгол Улсын Ерөнхий сайдын захирамжаар байгуулагдаж, Сангийн сайд Б.Жавхлангаар ахлуулсан Богино хугацаанд уул уурхайн бүтээгдэхүүний экспортыг эрчимжүүлэх, валютын нөөцийг нэмэгдүүлэх үүрэг бүхий ажлын хэсэг Дорноговь аймгийн Ханги, Өмнөговь аймгийн Гашуун сухайт, Шивээ хүрэн боомтуудад ажиллалаа.

Энэ үеэр нэн шаардлагатай зарим асуудлыг газар дээр нь шийдвэрлэж, ирэх 7 хоногийн Засгийн газрын хурлаар зарим асуудлыг шийдвэрлүүлэхээр болсон юм.

Баасан гарагт (2025-03-21) “Монголын хөрөнгийн бирж” ХК-ийн Гүйцэтгэх захирлын үүргийг түр орлон гүйцэтгэгч Б.Дөлгөөн, Уул уурхайн бүтээгдэхүүний арилжаа, бүртгэлийн газрын захирлын үүргийг түр орлон гүйцэтгэгч С.Ариунсанаа нар тус ажлын хэсгийн бүрэлдэхүүнтэй хамт Гашуун сухайт боомтод ажиллан, хилийн бүс дэх уул уурхайн экспортын бүтээгдэхүүний нийлүүлэлт, татан авалт, тээвэрлэлт, хадгалалтын нөхцөл байдалтай танилцаад ирлээ.

Энэ үеэр “Монголын хөрөнгийн бирж” ХК-ийн Гүйцэтгэх захирлын үүргийг түр орлон гүйцэтгэгч Б.Дөлгөөн:

“Монгол Улсаас экспортод гаргаж байгаа нүүрсний тонн тутамд орж ирж байгаа долларыг өсгөхийн тулд арилжааг нэмэгдүүлэх, ингэхийн тулд Монголын хөрөнгийн бирж зохих судалгаа хийн, шийдэл боловсруулж, холбогдох байгууллагуудаас санал авч журмын өөрчлөлт хийгээд байна. Тус журмын хүрээнд өөрчлөлт орж буй гол хоёр онцлогийг дурдвал нэгдүгээрт, өмнө нь 500,000 тонн нүүрс авах гэрээтэй худалдан авагч 300,000 тонныг татан авч, 200,000 тонн нүүрс үлдлээ гэхэд түүнийг нь зарах боломжийг нээж өгснөөр арилжаа илүү идэвхтэй болно.

Хоёрдугаарт, өмнө нь 12 сарын турш сар болгон үнэ өөрчлөгдөхгүй нэг үнээр худалдан авч байсан бол одоо зах зээл дээрх үнийн хөдөлгөөний өөрчлөлттэй уялдуулан индексжүүлсэн хувилбартай болсноороо одоогийн цэгээс ирээдүйд үнэ өсвөл Монгол Улсын ашиг олох боломжийг нээж өгнө. Тиймээс шинэ журмаар нүүрсний арилжааг зохион байгуулвал идэвхжилт нэмэгдэж, экспортод сайнаар нөлөөлнө гэж үзэж байна” гэдгийг онцоллоо.

 

МОНГОЛЫН ХӨРӨНГИЙН БИРЖ