Монгол Улсын Засгийн газар 2025 оны 02 дугаар сарын 26-ны өдрийн "Ажил, амралтын цагийн зохицуулалтын тухай” Дугаар 109 тоот тогтоолоор Монголын үндэсний уламжлалт цагаан сарын баярын амралтыг 2025 оны гуравдугаар сарын 3, 4, 5-ны Даваа, Мягмар, Лхагва гарагт шилжүүлэн ажилтан, албан хаагчдыг амраах шийдвэр гаргалаа.

Бүх нийтээр амрах өдөр болгон өөрчилсөн тус гурван өдрийг 2025 оны ажлын жилд багтаан нөхөж ажиллуулах зохицуулалт хийхийг байгууллагын бүх шатны удирдлагад даалгасан тул "Монголын хөрөнгийн бирж" ХК нь 2025 оны 3 дугаар сарын 3-ны өдрөөс 5-ны өдрийг дуустал ажиллахгүй, тухайн өдрүүдэд үнэт цаасны болон, уул уурхайн бүтээгдэхүүний арилжаа явагдахгүй болохыг мэдэгдье.

Харин Гүйцэтгэх удирдлага, зохицуулагч байгууллагуудаас өгсөн чиглэл, гишүүн байгууллагуудын цагийн хуваарьтай уялдуулж нөхөн ажиллах өдрүүдийн тов гармагц нийтэд мэдээлэх болно.

МОНГОЛЫН ХӨРӨНГИЙН БИРЖ