Үнэт цаасны арилжаа, хөрөнгийн зах зээлийн мэдээ мэдээллийг олон нийтэд хүртээмжтэй, түргэн шуурхай хүргэх зорилгын хүрээнд “Монголын хөрөнгийн бирж”-ээс Хэвлэлийн хүрээлэнгийн дэргэдэх Эдийн засгийн сэтгүүлчдийг 2014 оны 12 дугаар сарын 05-ны өдөр Хөрөнгийн биржид урьж өөрийн үйл ажиллагааг танилцуулан, сэтгүүлчдийн сонирхсон асуултад хариулт өгч, хэлэлцүүлэг өрнүүллээ.
Тус арга хэмжээний үер сэтгүүлчдийн Хөрөнгийн зах зээлийн мэдлэгийг дээшлүүлэх, Хөрөнгийн зах зээл дэх хэвлэл мэдээллийн байгууллагын оролцоог нэмэгдүүлэх, хамтын ажиллагааг эхлүүлэх зорилгоор Монголын хөрөнгийн бирж Хэвлэлийн хүрээлэнтэй хамтран ажиллах гэрээг байгууллаа.
Энэ өдөр сэтгүүлчдийг төлөөлж Засгийн газрын мэдээ сонины сэтгүүлч Д.Мөнхчимэг “Цан” цохиж, Монголын хөрөнгийн биржийн 4867 дахь удаагийн арилжааг нээлээ.
Мэдээллийн алба
МОНГОЛЫН ХӨРӨНГИЙН БИРЖ