“Монголын хөрөнгийн бирж” ХК-ийн нэгдүгээр ангилалд бүртгэлтэй “БиДиСЕК ҮЦК” ХК 2024 оны 08 дугаар сарын 21-ний өдөр 2024 оны эхний хагас жилийн үйл ажиллагааны тайлан, санхүүгийн үр дүнгээ танилцууллаа.
Тайлант хугацаанд:
-
Нийт орлогын хэмжээ өмнөх оны мөн үеэс 2.9 дахин өсөж 7.78 тэрбум төгрөгт хүрсэн.
-
Компани тайлант хугацаанд 3.88 тэрбум төгрөгийн цэвэр ашигтай ажилласан байна.
"БиДиСЕК ҮЦК" ХК-ийн брокер болон андеррайтерийн үйл ажиллагааны хүрээнд хийж гүйцэтгэсэн онцлох ажлууд:
-
Үнэт цаасны арилжааны хувьд 2024 оны эхний хагас жилд нийт 836.95 тэрбум төгрөгийн арилжаа хийж гүйцэтгэсэн нь МХБ-ийн нийт арилжааны 52.5%-ийг дангаар эзэлсэн байна.
-
Монгол Улсын анхны нээлттэй хувьцаат компаниудын нэг болох “Говь” ХК-ийн хувьцааны 33%-ийн /арилжаа хийгдэх үеийн үнэлгээгээр/ арилжаа буюу 135 тэрбум төгрөгийн арилжааг амжилттай зохион байгуулсан.
-
Монгол Улсын түүхэн дэх анхны орон нутгийн бонд болох “Улаанбаатар бонд”-ийн тэргүүлэх андеррайтераар ажиллан анхдагч зах зээлийн арилжааг амжилттай зохион байгуулж, 130 тэрбум төгрөгийг татан төвлөрүүлсэн.
-
Биржийн бус зах зээлд “Сити Ойл” ХХК болон “Цогц Зээл ББСБ” ХХК-ийн хаалттай бондыг гаргаж, 4.5 тэрбум төгрөгийг амжилттай татан төвлөрүүлсэн.
Та бүхэн “БиДиСЕК ҮЦК” ХК-ийн 2024 оны эхний хагас жилийн тайлангийн танилцуулгыг энд дарж үзнэ үү.
Шууд дамжуулалтыг “Монголын хөрөнгийн бирж” ХК-ийн албан ёсны фэйсбүүк хаягаар энд дарж үзнэ үү.
МОНГОЛЫН ХӨРӨНГИЙН БИРЖ