“Монголын хөрөнгийн бирж” ХК-ийн I ангилалд бүртгэлтэй “Түмэн шувуут” ХК-ийн Эдийн засагч Ж.Уянга 08 дугаар сарын 22-ны өдөр 2023 оны эхний хагас жилийн үйл ажиллагааны тайлан, санхүүгийн үр дүнгээ танилцууллаа.

Тайлант хугацаанд:

• “Түмэн шувуут” ХК нь 29.7 тэрбум төгрөгийн борлуулалт хийж, орлого урьд оны энэ үеэс 40%-иар өссөн.

• Татвар төлөлтийн өмнөх ашиг 6.5 тэрбум төгрөг буюу 51% өссөн бол цэвэр ашиг 5.7 тэрбум төгрөг буюу 54% өссөн.

• Улсын төсөвт 747.0 сая төгрөгийн орлогын албан татвар төвлөрүүлэн ажиллалаа.

Онцлох үйл явдал:

• “Түмэн шувуут” ХК нь 2023 онд “Түмэн шувуут-2” төслийн хүрээнд өндөглөгч тахианы 5-р байр, дэгдээхэйн 2-р байрны тоног төхөөрөмжийн угсралтын ажил, өндөглөгч тахианы 6, 7, 8-р байр, мөн 1 цагт 45,000 ширхэг өндөг дамжуулах хүчин чадалтай өндөг хураах байрны барилгын ажлыг хийж гүйцэтгэхээр төлөвлөсөн. Үүнээс тайлант хугацаанд өндөглөгчийн 5-р байрыг бүрэн ашиглалтад оруулж, 6, 7, 8-р байр, өндөг хураах байрны барилгын суурийн ажлыг бүрэн хийж дуусгаад байна.  

• 2023 онд 120.0 сая ширхэг өндөг үйлдвэрлэхээр төлөвлөснөөс эхний хагас жилд 54.0 сая ширхэг буюу үйлдвэрлэлийн төлөвлөгөөний 46%-ийг гүйцэтгэсэн байна.  

• “Түмэн шувуут” ХК нь 2023 оны эхний хагас жилд шинээр 100%-ийн органик компост шингэн бактерийн бордоо үйлдвэрлэн хэрэглэгчдэдээ хүргээд байна.

• “Түмэн шувуут” ХК нь 2022 оны цэвэр ашгийн 30%-ийг 2023 оны 09-р сарын 30-ны өдрийн дотор нэгж хувьцаанд 10.7 төгрөг байхаар тооцон ногдол ашиг тараахаар ажиллаж байна. Иймд нийт хувьцаа эзэмшигчид өөрийн бүртгэлтэй үнэт цаасны компанидаа хандаж бүртгэлээ баталгаажуулах шаардлагатай юм.

• 2023 оны эцэст “Түмэн шувуут-2” төслийн ажил 80%-ийн гүйцэтгэлтэй хийж дуусгахаар төлөвлөн ажиллаж байна.

Дэлгэрэнгүй тайлантай энд дарж танилцана уу.

Шууд дамжуулалтыг эндээс хүлээн авч үзнэ үү.

            МОНГОЛЫН ХӨРӨНГИЙН БИРЖ​​​​​​