“Монголын хөрөнгийн бирж” ХК-ийн ТОП-20 индекс, үнэт цаасны 1 дүгээр ангилалд бүртгэлтэй “Ард Даатгал” ХК-ийн Санхүү удирдлага, үйл ажиллагааны газрын захирал Т.Батцэнгэл 8 дугаар сарын 10-ны өдөр 2023 оны эхний хагас жилийн үйл ажиллагааны тайлан, санхүүгийн үр дүнгээ танилцууллаа.

• “Ард Даатгал” ХК нь 2023 оны эхний хагас жилийн байдлаар 14.3 тэрбум төгрөгийн хураамжийн орлого төвлөрүүлэн, өмнөх оны мөн үеэс 29%-ийн өсөлттэйгөөр тайлант хугацааны төлөвлөгөөгөө биелүүлсэн.
• Нийт хөрөнгө 40 тэрбум төгрөг давж, татварын өмнөх ашиг 755 сая төгрөгт хүрлээ.

Онцлох үйл явдал:

• Хувьцаа эзэмшигчдийн хурлаа зохион байгуулж, ТУЗ-ийн сонгуулиар шинэ бүрэлдэхүүнийг баталсан.
• Нийгмийн хариуцлагын хүрээнд “Нэг зам, Нэг соёл” аян зохион байгуулж замын хөдөлгөөнд соёлтой, хүндэтгэлтэй оролцохыг ард иргэдэд уриаллаа.
• “Үндэсний мэтгэлцээний лиг”-ийг ивээн тэтгэж, залуусыг дэмжих ажлууд хийсэн.
• Баруун бүсийн тулгуур төв болох Ховд аймагт зохион байгуулагдсан “Инвест Ховд” чуулганд амжилттай оролцсон.
• Уламжлалын дагуу орон нутгийн салбарын ажиллагсдыг оролцуулсан “Бид Манлайлна” чуулга уулзалт зохион байгууллаа.
• Цахим даатгалыг хөгжүүлэх шат дараатай ажлуудыг хэрэгжүүлж, харилцагчиддаа Ард Апп-ийг ашиглан нөхөн төлбөрийн хүсэлт илгээх, даатгуулах боломжийг бүрдүүлж ажиллаа.

Дэлгэрэнгүй тайлантай энд дарж танилцана уу.

Шууд дамжуулалтыг эндээс хүлээн авч үзнэ үү.

МОНГОЛЫН ХӨРӨНГИЙН БИРЖ