“Монголын Хөрөнгийн Бирж” ТӨХК-ийн Төлөөлөн удирдах зөвлөлийн 2014 оны 8 дугаар сарын 13-ны өдрийн хурлаар гишүүн Брокер, дилерийн компаниудын жилийн хураамжийг хөнгөлөх тухай 2014/10 тоот тогтоол гарсан. Уг тогтоолд 2014 оны 9 дүгээр сарын 30-ны өдөрт багтаан төлбөрөө төлөх компаниудын 2013-2014 онуудын гишүүнчлэлийн жилийн хураамжийн хэмжээг 1.5 сая төгрөг болгон бууруулж, хөнгөлсөн юм.
“Монголын Хөрөнгийн Бирж” ТӨХК-ийн зүгээс бүх гишүүн Брокер, дилерийн компаниудад дээрх тогтоолын талаар албан бичгээр мэдэгдсэн боловч одоогийн байдлаар дөнгөж 4 гишүүн БДК хураамжаа төлөөд байна.
Дээр заасан хугацаанд хураамжаа төлөөгүй тохиолдолд МХБ ТӨХК-ийн “Гишүүнчлэлийн журам”-д заасан дүнгээр буюу хөнгөлөлтгүй хэмжээгээр жилийн хураамжийг төлөх шаардлагатай болох ба ийнхүү биржтэй байгуулсан гэрээгээр хүлээсэн үүргээ хугацаандаа биелүүлээгүй гишүүн компаниудад хариуцлагын арга хэмжээ буюу арилжаанд оролцох эрхийг хязгаарлах, цаашлаад гишүүний эрхийг цуцлахыг дахин анхааруулж байна.

Мэдээллийн алба
МОНГОЛЫН ХӨРӨНГИЙН БИРЖ