Олон улсын хэмжээнд хөрөнгийн зах зээлийн индексийн тооцоо, судалгааны чиглэлээр тэргүүлэгч Их Британийн“FTSE групп”-ийн Засаглал, бодлого хариуцсан захирал Крис Вүүдсээс 2014 оны 9-р сарын 17-ны өдөр “Монголын Хөрөнгийн Бирж” ТӨХК-д албан бичиг ирүүллээ.

Уг албан бичигт  FTSE группийн Засаглалын зөвлөлийн хурал 2014 оны 09 дүгээр сарын 12-ны өдөр болж Монголын хөрөнгийн зах зээлийг “Frontier” хөгжиж буй зэрэглэлийн “Aжиглалтын жагсаалт”-д үлдээн 2015 оны 9 дүгээр сард болох дараагийн ээлжит хурлаар хэлэлцүүлэх нь зүйтэй гэсэн шийдвэр гаргасныг мэдэгдэж, Монголын хөрөнгийн бирж болон FTSE группийн хамтын ажиллагаа сэргэж буйд талархалаа илэрхийллээ.

Жич: Их Британийн нийслэл Лондон хотноо байрладаг “FTSE групп” нь олон улсын хэмжээнд хөрөнгийн зах зээлийн индексийн тооцоо, судалгаагаар тэргүүлэгч компани бөгөөд 80 гаруй улсын хөрөнгийн зах зээлийн 120.000 гаруй индексийг арилжааны явцад шууд болон арилжааны эцэст тооцоолж гарган, зах зээлд мэдээлдэг байгууллага юм.

Мэдээллийн алба
МОНГОЛЫН ХӨРӨНГИЙН БИРЖ