2022 оны 10 дугаар сарын 24-ний өдөр энгийн арилжаагаар 40 хувьцаат компанийн 567,945,017 төгрөгийн үнийн дүн бүхий 1,808,144 ширхэг хувьцаа арилжаалагдсанаас 16 компанийн хувьцааны ханш өсөж, 19 компанийн хувьцааны ханш буурсан бол 5 компанийн ханш тогтвортой байлаа. Үүнээс "Тээвэр-Ачлал" ХК (ACL +15%), "Эрчим Баян Өлгий" ХК (BOE +15%) болон "Гермес центр" ХК (HRM +14.61%) зэрэг компаниудын хувьцааны ханш хамгийн өндөр өсөлттэй байсан бол "Ногоон хөгжил үндэсний нэгдэл" ХК (JLT -14.86%), "УБ-БҮК" ХК (BUK -14.83%) болон "Монгол шуудан" ХК (MNP -11.39%)-ийн хувьцаа хамгийн их уналттай байлаа.

Өнөөдрийн арилжаагаар хөрөнгө оруулалтын 2 сангийн 62,054 ширхэг нэгж эрхийг 35,600,408 төгрөгөөр, багцын арилжаанд нийт 3,949,448 ширхэг үнэт цаасыг 5,000,001,168 төгрөгөөр арилжааллаа.

ТOP-20 индекс 2.36 хувиар өсөж, 34345.11 нэгжид хүрсэн бол зах зээлийн үнэлгээ 5,382,803,900,164 төгрөг боллоо. 

Арилжааны дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ