2022 оны 6 дугаар сарын 13-ны өдөр энгийн арилжаагаар 45 хувьцаат компанийн 333,188,888 төгрөгийн үнийн дүн бүхий 548,021 ширхэг хувьцаа арилжигдсанаас 11 хувьцаат компанийн хувьцааны ханш өсөж, 28 хувьцаат компанийн хувьцааны ханш буурсан бол 6 компанийн хувьцааны ханш тогтвортой байлаа. Үүнээс  "Монголын цахилгаан холбоо" ХК (MCH +15.00%), "Хорин хоёрдугаар бааз" ХК (AHH +14.96%) болон "Багануур" ХК (BAN +10.63%) зэрэг компаниудын хувьцааны ханш хамгийн өндөр өсөлттэй байсан бол "Хөвсгөл хүнс" ХК (HHS -14.50%), "Шарын гол" ХК (SHG -13.91%) болон "Мон Наб" ХК (MNB -13.64%)-ийн хувьцаа хамгийн их уналттай байлаа.

Хөрөнгө оруулалтын 2 сангийн 54,201 ширхэг нэгж эрхийг 25,128,140 төгрөгөөр арилжаалсан бол хөрөнгөөр баталгаажсан үнэт цаас 10 ширхэгийг 1,000,000 төгрөгөөр, компанийн бондын хоёрдогч зах зээлийн арилжаанд 110 ширхэг үнэт цаасыг 10,910,800 төгрөгөөр тус тус арилжааллаа.  

Мөн багцын арилжаагаар нийт 5,126,271 ширхэг үнэт цаасыг 842,543,162 төгрөгөөр арилжааллаа. 

ТOP-20 индекс 2.46 хувиар буурч, 33,912.38 нэгжид хүрсэн бол зах зээлийн үнэлгээ 4,884,341,366,544 төгрөг боллоо. 

Арилжааны дэлгэрэнгүй мэдээллийг энд дарж үзнэ үү.   

МОНГОЛЫН ХӨРӨНГИЙН БИРЖ