Санхүүгийн зохицуулах хорооны 2022 оны 05 дугаар сарын 25-ны 274 тоот тогтоолын дагуу "Эрдэнэс Сольюшинс" ХК-ийн нийтэд санал болгон нэмж гаргаж буй нэг бүр нь 10 төгрөгийн нэрлэсэн үнэ бүхий 18,521,598 ширхэг энгийн хувьцааг бүртгэн тус компанийн нийт гаргасан хувьцааг 176,396,168 ширхэг байхаар үнэт цаасны бүртгэлд өөрчлөлт оруулж, үнэт цаасны төвлөрсөн хадгаламжид бүртгэхээр боллоо.
Мөн тус тогтоолын 1-д заасан хувьцаанаас 16,572,469 ширхэг хувьцааг тогтоосон үнийн аргаар нэг бүрийг нь 108 төгрөгөөр олон нийтэд санал болгон худалдахыг зөвшөөрсөн байна.
Нийтэд санал болгон нэмж гаргах хувьцааг үнэт цаасны танилцуулгад тусгасан нөхцөлөөр анхдагч зах зээлд 100 хувь амжилттай арилжаалсан тохиолдолд "Эрдэнэс Сольюшинс" ХК шинэчилсэн дүрмээ Улсын бүртгэлийн ерөнхий газарт бүртгүүлж, холбогдох баримт бичгийг Санхүүгийн зохицуулах хороонд ирүүлэхийг тус компанид үүрэг болгосон байна.
"Эрдэнэс Сольюшинс" ХК-ийн нийтэд санал болгон нэмж гаргаж буй хувьцааны талаар дэлгэрэнгүйг энд дарж үзнэ үү.
МОНГОЛЫН ХӨРӨНГИЙН БИРЖ