"Монголын хөрөнгийн бирж" ТӨХК-ийн Гүйцэтгэх захирлын 2021 оны 08 дугаар сарын 31-ний өдрийн А/75 тоот болон 2021 оны 09 дүгээр сарын 17-ны өдрийн А/82 тус тус тушаалаар “Cэнтрал Экспресс Си Ви Эс” ХК-ийн нийт гаргасан хувьцааны 15 хувь буюу 119,966,060 ширхэг хувьцааг үнэт цаасны бүртгэлийн III ангилалд бүртгэснийг Санхүүгийн зохицуулах хорооны 2021 оны 10 дугаар сарын 13-ны 430 тоот тогтоолоор нийтэд санал болгон худалдахыг зөвшөөрсөн байна. 

Тус компани олон нийтэд арилжаалах хувьцааны 50 хувь буюу 59,983,030 ширхгийг стратегийн хөрөнгө оруулагчдад, үлдсэн 50 хувь буюу 59,983,030 ширхгийг тогтоосон үнийн аргаар буюу нэгж үнийг 208 төгрөгөөр санал болгон худалдаж, нийт 24,952,940,480 төгрөг татан төвлөрүүлэх бөгөөд үүнийг шинэ дэлгүүрийн хөрөнгө оруулалт, түгээлтийн төв болон хоол үйлдвэрлэлийн тоног төхөөрөмжийн сайжруулалтанд зарцуулахаар төлөвлөж байгааг үнэт цаасны танилцуулганд дурджээ. 

Мөн анхдагч зах зээлийн арилжааны эрэлт нь нийлүүлэлтээс давсан тохиолдолд 17,994,909 ширхэг буюу 3,742,941,072 төгрөгийн үнийн дүн бүхий хувьцааг нэмэлтээр  санал болгон худалдах боломжтой юм. 

Энэхүү хувьцааны үндсэн андеррайтераар “Голомт Капитал ҮЦК” ХХК, туслах андеррайтераар "Апекс капитал ҮЦК" ХХК ажиллаж, аудитын үйлчилгээг “БДО Аудит” ХХК, хөрөнгийн үнэлгээний үйлчилгээг "Гэрэгэ эстимэйт" ХХК, хууль зүйн зөвлөгөө өгөх үйлчилгээг “Батбаяр энд Партнерс ” ХХН тус тус үзүүлж байна.

Үнэт цаасны танилцуулгыг эндээс үзнэ үү. 

МОНГОЛЫН ХӨРӨНГИЙН БИРЖ