• en
IPO

Арилжааны тайлан

Индекс

49054.82

( 69.37 0.14% )
Индекс Нэгж Өөрчлөлт
Top 20 Индекс 49054.82 69.37
MSE A Индекс 18015.01 41
MSE B Индекс 14476.99 -48.79

Мэдээ мэдээлэл

"ЭРДЭНЭ РЕСУРС ДЕВЕЛОПМЕНТ КОРПОРЭЙШН" ХК-ИЙН ҮНЭТ ЦААСНЫ БҮРТГЭЛД ӨӨРЧЛӨЛТ ОРЛОО

2025-08-08 11:42:45

Тус компанийн 365,751,958 ширхэг энгийн хувьцааг Канад улсын Торонтогийн хөрөнгийн биржид нэмж бүртгэсэн 50,000 ширхэг хувьцаагаар нэмэгдүүлж, компанийн нийт хувьцааны тоог 365,801,958 ширхэг байхаар үнэт цаасны бүртгэлд өөрчлөлт орууллаа. 

“ТАЛХ ЧИХЭР” ХК 2025 ОНЫ ХАГАС ЖИЛИЙН ҮЙЛ АЖИЛЛАГААНЫ ТАЙЛАНГАА ОЛОН НИЙТЭД НЭЭЛТТЭЙ ТАНИЛЦУУЛЛАА

2025-08-07 18:10:00

Тус компани нь "Ажилтнуудын сэтгэл зүй болон эрүүл мэндийг дэмжин, тогтвортой, аюулгүй ажиллах нөхцлийг сайжруулж, эвсэг нэгдмэл хамт олон бүрдүүлэх арга хэмжээг сар тутамд явуулах, үндсэн цалин 30%-иар нэмэгдүүлнэ" гэжээ.

“ИННОВЭЙШН ИНВЕСТМЕНТ” ХК 2025 ОНЫ ХАГАС ЖИЛИЙН ҮЙЛ АЖИЛЛАГААНЫ ТАЙЛАНГАА ОЛОН НИЙТЭД НЭЭЛТТЭЙ ТАНИЛЦУУЛЛАА

2025-08-07 17:19:20

“Инновэйшн Инвестмент” ХК-ийн 2025 оны эхний хагас жилийн цэвэр ашиг 7.3 тэрбум төгрөгт хүрснээр өнгөрсөн оны мөн үеэс 38.6 хувиар өсч хагас жилийн төлөвлөгөөг 124 хувиар биелүүлсэн байна.

Мэдээ мэдээлэл

“СҮҮ БОНД”-ЫН ЗАХИАЛГЫН НЭЭЛТ, ЦАН ЦОХИХ ЁСЛОЛ БОЛЛОО

2017-06-28 10:34:32

        “Монголын хөрөнгийн бирж” ТӨХК-ийн 1-р ангилалд бүртгэлтэй үнэт цаас гаргагч компани болох Монгол Улсын хүнсний ууган үйлдвэр “Сүү” ХК-ийн хувьцаагаар баталгаажсан 100,000 төгрөгийн нэрлэсэн үнэтэй, нэг жилийн хугацаатай, жилийн 17.5 хувийн хүүтэй нийт 6 тэрбум төгрөгийн үнийн дүн бүхий өрийн хэрэгсэл “Сүү Бонд” Монголын хөрөнгийн биржээр 2017 оны 6 дугаар сарын 29-ний өдөр олон нийтэд нээлттэйгээр арилжаалагдана.

          Үүнтэй холбогдуулан оролцогч талууд гэрээнд гарын үсэг зурсны зэрэгцээ Санхүүгийн зохицуулах хорооны дарга C.Даваасүрэн болон “Сүү” ХК-ийн ТУЗ-ийн дарга Д.Ганбаатар, гүйцэтгэх захирал Б.Гантулга нар “Сүү Бонд”-ын анхдагч зах зээлийн захиалгын нээлтийн ёслолын үйл ажиллагаанд оролцож, Монголын хөрөнгийн биржийн 5503 дахь арилжааг эхлүүлэх хүндэтгэлийн цанг цохилоо.

            Монголын хөрөнгийн зах зээл дээр дотоодын компаниуд 2001 оноос эхлэн өрийн хэрэгсэл гарган хөрөнгө татаж эхэлсэн ба өнгөрсөн хугацаанд дотоодын 12 компани давхардсан тоогоор 14 удаа өрийн хэрэгсэл гарган хөрөнгийн захаас нийт 18.6 тэрбум төгрөгийг татаж байв. Хамгийн анхны компанийн өрийн хэрэгслийг “Барилга корпораци” /MSE:BRC/ хувьцаат компани гаргаж, тухайн үед зах зээл дээрээс 5.3 тэрбум төгрөгийг босгож байсан бол хамгийн сүүлд 2015 онд “Эрчим инженеринг” ХХК 500 сая төгрөгийг олон нийтээс амжилттай татан төвлөрүүлж байжээ.

          “Сүү Бонд” нь 2011 оноос хойших Монголын хөрөнгийн биржээр нээлттэй гарч буй хамгийн өндөр үнийн дүнтэй бонд болж байгаа бөгөөд бондын захиалга бүрэн биелэгдэж, 6.0 тэрбум төгрөгийг анхдагч зах зээлийн арилжаагаар амжилттай татан төвлөрүүлбэл “Сүү” ХК-ийн энэхүү өрийн хэрэгсэл нь Монголын хөрөнгийн зах зээл дээрх өрийн хэрэгслийн хөрөнгө оруулалтын түүхэн дээд амжилтыг давах юм. Энэ нь дотоодын хөрөнгийн зах зээлд эерэг дохио болж Монголын хөрөнгө оруулалтын орчин сайжирч байгааг харуулж байна.

            ”Сүү Бонд”-ын үндсэн андеррайтераар “Голомт Капитал ҮЦК” ХХК, туслах андеррайтераар “Тэнгэр Капитал ҮЦК” ХХК, “Ард Капитал Групп ҮЦК” ХХК нар ажиллаж байгаа бөгөөд үнэт цаасны захиалгыг 2017 оны 6 дугаар сарын 29-ний өдрийн 12 цаг хүртэл авч анхдагч зах зээлийн арилжааг эхлүүлэх юм. 

                    

 

 

 

 

 

 

 

 

 

 

 

 

 

 

     

 

 

 

 

 

 

 

 

 

 

 

 

 

 

МОНГОЛЫН ХӨРӨНГИЙН БИРЖ