Санхүүгийн Зохицуулах Хорооны 2015.09.25-ны өдрийн 366 тоот тогтоолоор “Зоос гоёл” ХК-ийн 100 төгрөгийн нэрлэсэн үнэтэй 288 ширхэг энгийн хувьцааг нэгтгэн, нэг бүр нь 28,800 төгрөгийн нэрлэсэн үнэтэй 1 /нэг/ ширхэг энгийн хувьцаанд хөрвүүлэн Компанийн үнэт цаасны бүртгэлд өөрчлөлт оруулахаар шийдвэрлэлээ. 

“Зоос гоёл” ХК-ийн хувьцааг нэгтгэх шийдвэр гарсантай холбогдуулан хувьцаа эзэмшигч нарт дараах эрх үүссэнийг мэдэгдэж байна. Үүнд:

1. Нэгтгэж буй дүнд хүрээгүй үлдэх (цаашид “бутархай” гэх) хувьцаагаа (1-287ширхэг) компанид эргүүлэн худалдах,

2. Эсхүл бутархай хувьцаагаа нэгтгэж буй дүнд хүргэхэд шаардагдах тооны (1-287ширхэг) хувьцааг компаниас худалдан авах,

 

Хувьцаагаа компанид эргүүлэн худалдах болон шаардагдах зөрүү хувьцааг компаниас худалдан авах нэгж хувьцааны үнийг 850 /найман зуун тавь/ төгрөг байхаар СЗХ-оос тогтоосон.

Иймд хувьцаа эзэмшигчид 2015.10.05-2015.12.05-ны дотор “Зоос гоёл” ХК-ийн “Төсөл хэрэгжүүлэх комисс”- т саналаа ирүүлнэ үү.

 

Компанийн “Хувьцааг нэгтгэх төсөл” түүнийг хэрэгжүүлэх /нэгтгэж буй дүнд хүрээгүй бутархай хувьцаагаа компанид эргүүлж худалдах, эсхүл бутархай хувьцаагаа бүхэлд шилжүүлэхэд шаардагдах хувьцааг компаниас нэмж худалдан авах эрхээ хэрэгжүүлэх/ журмын талаарх дэлгэрэнгүй мэдээллийг доорх хаягаар авна уу.

Улаанбаатар хот, Чингэлтэй дүүрэг 4-р хороо,

Самбуугийн гудамж “Зоос Гоёл” ХК 202 тоот

Утас: 321907, 323306, 99002083, 88096945

Web: http:www.zoosgoyol.mn,http:/www.mse.mn/

еmail хаяг:info@zoosgoyol.mn

 

МОНГОЛЫН ХӨРӨНГИЙН БИРЖ