“Монголын хөрөнгийн бирж” ХК-иас өнөөдөр (2024.10.10) “Эдийн засгийн сэтгүүлч, шинжээчдийн клуб”-тэй хамтран сэтгүүлчдэд зориулсан өглөөний уулзалт зохион байгууллаа.

Уулзалтад “Монголын хөрөнгийн бирж” ХК-ийн Гүйцэтгэх захирлын үүргийг түр орлон гүйцэтгэгч Ж.Цогтбаяр, Уул уурхайн бүтээгдэхүүний арилжаа, бүртгэлийн газрын захирлын үүргийг түр орлон гүйцэтгэгч С.Ариунсанаа нар оролцож, биржийн үйл ажиллагаа, хөрөнгийн зах зээлийн өнөөгийн нөхцөл байдлын талаар дэлгэрэнгүй мэдээлэл хийж, сэтгүүлчидтэй чөлөөт ярилцлага өрнүүлсэн. 

Түүнчлэн биржээс Эдийн засгийн сэтгүүлч, шинжээчдийн клубтэй хамтран сэтгүүлч, хэвлэл мэдээллийн байгууллагын мэргэжилтэн, судлаачдын дунд зохион байгуулах нийтлэл, нэвтрүүлгийн уралдааны сэдэв, удирдамжийг олон нийтэд зарлалаа.

Уулзалтын гол зорилго нь сэтгүүлчдийн хэвлэн нийтлэх эрхийг хангах, цаг үеийн мэдээллийг хүртээмжтэй хүргэх, мэдээллийн урсгалыг нэмэгдүүлэхэд чиглэв.

Сэтгүүлч, хэвлэл мэдээллийн байгууллагын мэргэжилтэн, судлаачдын дунд зохион байгуулах нийтлэл, нэвтрүүлгийн уралдааны сэдэв, удирдамжийг дараах холбоосоор https://mse.mn/mn/news/12719 хүлээн авна уу.

МОНГОЛЫН ХӨРӨНГИЙН БИРЖ