2024 оны 07 дугаар сарын 26-ны өдөр энгийн арилжаагаар 44 хувьцаат компанийн 435,734,581 төгрөгийн үнийн дүн бүхий 1,542,639 ширхэг хувьцаа арилжаалагдсанаас 25 компанийн хувьцааны ханш өсч, 17 компанийн хувьцааны ханш буурсан бол 2 компанийн ханш тогтвортой байлаа.
Адуун чулуун ХК (ADL +13.14%), Монголын цахилгаан холбоо ХК (MCH +11.46%), Материалимпекс ХК (MIE +9.09%) зэрэг компаниудын хувьцааны ханш хамгийн өндөр өсөлттэй байсан бол Булигаар ХК (MBG -9.09%), Бодь Даатгал ХК (BODI -8.72%), Гранд систем ХК (LOT -7.62%)-ийн хувьцаа хамгийн их уналттай байв.
Мөн өнөөдрийн үнэт цаасны арилжаагаар:
-
Хөрөнгө оруулалтын 2 сангийн 46,336 ширхэг нэгж эрх 36,791,794 төгрөгөөр,
-
Хөрөнгөөр баталгаажсан 2,800 ширхэг үнэт цаас 140,000,000 төгрөгөөр,
-
Компанийн бондын хоёрдогч зах зээлийн арилжаагаар 2 ширхэг бонд 200,000 төгрөгөөр тус тус арилжигдсан байна.
Уул уурхайн бүтээгдэхүүний арилжаагаар:
-
"Энержи Ресурс" ХХК-ийн 3 багц 19,200 тонн баяжуулсан коксжих нүүрс 22,848,000 юань буюу 10,692,635,520 төгрөгөөр,
-
“Монголросцветмет” ТӨҮГ-ын 1 багц 3,300 тонн 52%-ийн агууламжтай төмрийн хүдэр 231,000 ам.доллар буюу 780,980,970 төгрөгөөр тус тус арилжигдсан байна.
Энэ өдөр нийт 12,086,342,865 төгрөгийн үнийн дүн бүхий арилжаа зохион байгуулав.
ТOП-20 индекс +0.7% хувиар буурч, 48,742.74 нэгж болсон бол зах зээлийн үнэлгээ 12,072,195,213,390 төгрөг боллоо.
-
Үнэт цаасны арилжааны дэлгэрэнгүй мэдээллийг энд дарж үзнэ үү.
-
Уул уурхайн бүтээгдэхүүний арилжааны дэлгэрэнгүй мэдээллийг энд дарж үзнэ үү.
МОНГОЛЫН ХӨРӨНГИЙН БИРЖ