Санхүүгийн зохицуулах хорооны 2024 оны 06 дугаар сарын 05-ны өдрийн 249 тоот тогтоол болон “Монголын хөрөнгийн бирж” ХК-ийн Гүйцэтгэх захирлын 2024 оны 05 дугаар сарын 31-ний өдрийн А/239 тоот тушаалаар Нийслэлийн засаг даргын хөтөлбөрийн хүрээнд нийтэд санал болгон гаргасан нэг бүр нь 100,000 төгрөгийн нэрлэсэн үнэтэй, нийт 500,000,000,000 төгрөгийн үнийн дүн бүхий өрийн хэрэгсэл “Улаанбаатар бонд”-ын анхдагч зах зээлийн арилжааны захиалгыг 2024 оны 06 дугаар сарын 20-ны өдөр хүлээн авч, арилжааг амжилттай зохион байгууллаа.

Арилжааны системд нийт 500,000,000,000 төгрөгийн үнийн дүн бүхий, дараах нөхцөлтэй, 5,000,000 ширхэг өрийн хэрэгслийг худалдан авахаар 15 хөрөнгө оруулагчийн, 16 захиалга бүртгэгдсэн. Үүнд:

• 1 жилийн 12 хувийн хүүтэй, 100,000,000,000 төгрөгийн үнийн дүн бүхий 1,000,000 ширхэг өрийн хэрэгслийг худалдан авахаар нийт 4 хөрөнгө оруулагчийн 5 захиалга;

• 2 жилийн 13 хувийн хүүтэй, 100,000,000,000 төгрөгийн үнийн дүн бүхий 1,000,000 ширхэг өрийн хэрэгслийг худалдан авахаар нийт 5 хөрөнгө оруулагчийн 5 захиалга;

• 3 жилийн 14 хувийн хүүтэй, 300,000,000,000 төгрөгийн үнийн дүн бүхий 3,000,000 ширхэг өрийн хэрэгслийг худалдан авахаар нийт 6 хөрөнгө оруулагчийн 6 захиалга тус тус бүртгэгдэж, арилжаа амжилттай хаагдлаа.

Үнэт цаасны танилцуулгыг эндээс үзнэ үү. 

МОНГОЛЫН ХӨРӨНГИЙН БИРЖ