“Монголын Хөрөнгийн Бирж” ХК-ийн удирдлагууд 2024 оны 5 дугаар сарын 28-ны өдөр БНХАУ-ын Бээжин хотноо Бээжингийн Хөрөнгийн Биржийн Ерөнхий захирал Сүэй Чиан болон холбогдох төлөөллүүдтэй албан уулзалт хийсэн юм.
Тус уулзалтаар хоёр биржийн үйл ажиллагааны талаар харилцан мэдээлэл солилцож, жижиг, дунд үйлдвэрлэл эрхлэгч компаниудын хөрөнгийн зах зээлд оролцох оролцоог нэмэгдүүлэх, бирж хоорондын хамтын ажиллагааны боломжийн талаар санал солилцон, цаашид хамтран ажиллахаар боллоо.
Бээжингийн хөрөнгийн бирж нь БНХАУ-ын Төрийн Зөвлөлийн зөвшөөрлөөр 2021 онд байгуулагдсан тус улсын гурав дахь бирж юм.
Тус бирж нь инновацийн төсөл, жижиг, дунд, гарааны бизнес эрхлэгчдэд зориулсан платформтой бөгөөд 2024 оны байдлаар нийт 200 гаруй компани бүртгэлтэй байна.
МОНГОЛЫН ХӨРӨНГИЙН БИРЖ