“Welcome to Mongolia” уриан дор зохион байгуулагдаж буй “Монголын эдийн засгийн чуулган-2023”-д уригдсан олон улсын хөрөнгө оруулагч, гадаадын Хөрөнгө оруулалтын банк, сангуудын төлөөлөл өнөөдөр (2023-07-10) “Монголын хөрөнгийн бирж”-д зочиллоо.

“Монголын хөрөнгийн бирж” ХК-ийн гүйцэтгэх захирал Х.Алтай хүндэт зочдод Монгол улсын хөрөнгийн зах зээлийн тойм танилцуулгыг хийж, “Networking event”-ээр олон улсын хөрөнгө оруулагчид, Монголын хөрөнгийн биржийн газрын захирлууд болон брокер, дилерийн компаниудын төлөөлөл харилцан туршлага солилцсон юм. 

Үйл ажиллагаанд Deutsche Bank, UBS, JPMorgan, Goldman Sachs,  Sumitomo Mitsui, Barclays, Bank of China, Morgan Stanley, US EXIM, Citi, BNP Paribas Exane, HSBC Australia Bank, Standard Chartered, ING, Lazard Asset Management, Export Finance Australia, MIGA, Clifford Capital, Bank of America, RBC, Barrenjoey Capital Partners, Natixis HK, GIC, Ubique Asset Management, EBRD, IFC, KFW, Canadian Imperial Bank of Commerce зэрэг олон улсын нөлөө бүхий 40 гаруй байгууллагын төлөөлөл оролцлоо.

МОНГОЛЫН ХӨРӨНГИЙН БИРЖ