“Монголын хөрөнгийн бирж” ТӨХК-ийн Гүйцэтгэх захирлын 2023 оны 06 дугаар сарын 22-ны өдрийн А/108 тоот тушаалын дагуу бүртгэгдсэн “Ашид капитал ББСБ” ХХК-ийн нийтэд санал болгож буй 12 сарын хугацаатай, жилийн 18 хувийн хүүтэй, нэг бүр нь 100,000 /нэг зуун мянга/ төгрөгийн нэрлэсэн үнэтэй, нийт 20,000,000,000 /хорин тэрбум/ төгрөгийн үнийн дүн бүхий 200,000 /хоёр зуун мянга/ ширхэг өрийн хэрэгслийг Санхүүгийн Зохицуулах Хорооны 2023 оны 06 дугаар сарын 23-ны өдрийн 212 дугаар тогтоолоор бүртгэж, нийтэд санал болгон арилжаалахыг зөвшөөрсөн. 

“Симпл I бонд” өрийн хэрэгслийн анхдагч зах зээлийн арилжааны захиалгыг 2023 оны 06 дугаар сарын 29-ний өдөр хүлээн авч, арилжааг амжилттай зохион байгууллаа.

“Ашид капитал ББСБ” ХХК-ийн нийтэд санал болгосон өрийн хэрэгслийг олон нийтэд арилжаалах үйл ажиллагаанд “Голомт Капитал ҮЦК” ХХК үндсэн андеррайтераар ажилласан бөгөөд арилжааны системд нийт 200,000 ширхэг буюу 20,000,000,000 /хорин тэрбум/ төгрөгийн үнийн дүн бүхий өрийн хэрэгслийг худалдан авахаар 64 хөрөнгө оруулагчийн 64 захиалга бүртгэгдсэнээр арилжаа амжилттай хаагдлаа.

МОНГОЛЫН ХӨРӨНГИЙН БИРЖ