Монголын хөрөнгийн биржийн Гүйцэтгэх захирал Х.Алтай Бүгд Найрамдах Польш Улсын Эдийн засаг, Хөгжил, Технологийн яамны Худалдаа, Олон улсын хамтын ажиллагааны хэлтсийн дарга Бартломей Левандовски, Польшийн Хөрөнгө Оруулалт, Худалдааны агентлагийн дэд ерөнхийлөгч Здислав Сокаль нарыг хүлээн авч уулзлаа.

Уулзалтаар хоёр орны эдийн засаг, хөрөнгийн зах зээлийн өнөөгийн байдал болон цаашдын чиг хандлагын талаар, тэр дундаа хоёр орны хөрөнгийн биржүүдийн хамтын ажиллагааг сайжруулах, өргөжүүлэх боломж бололцоог бий болгох чиглэлээр харилцан санал солилцов.

Варшавын хөрөнгийн бирж нь төр, хувийн өмч хосолсон групп компани бөгөөд 700 гаруй бүртгэлтэй компанитай, Төв болон Зүүн Европын бүс нутагтаа хамгийн өндөр үнэлгээтэй хөрөнгийн бирж юм.  

МОНГОЛЫН ХӨРӨНГИЙН БИРЖ