"Монголын хөрөнгийн бирж" ТӨХК нь өв залгамжлах гэрчилгээгээр үнэт цаас шилжүүлэх хүсэлт гаргасан иргэдэд үнэт цаасны ханшийн лавлагааг гаргаж өгөх үйлчилгээг 2021 оны 01 дүгээр сарын 15-ны өдрөөс "Гэрэгэ системс" ХХК-ийн Гэрэгэ киоскоор дамжуулан олгож эхэллээ.
Гэрэгэ киоск нь татвар, тээвэр, шүүх, харилцаа холбоо, эрүүл мэнд, даатгалтай холбоотой төрийн болон хувийн байгууллагуудын 30 гаруй төрлийн үйлчилгээг үзүүлдэг бөгөөд улсын хэмжээнд 147 байршилд ажиллаж байна.
Иргэн та ханшийн лавлагаа авахдаа Монголын хөрөнгийн биржийн 1 давхарт байрлах Гэрэгэ киоск болон бусад байршлуудад байгаа тус киоскноос төлбөрийн карт ашиглан үйлчлүүлэх боломжтой.
Гэрэгэ киоскны хаяг байршил болон киоскны талаарх дэлгэрэнгүй мэдээллийг эндээс үзнэ үү.
МОНГОЛЫН ХӨРӨНГИЙН БИРЖ