Бидний тухай

Гүйцэтгэх захирлын мэндчилгээ

Монголын хөрөнгийн биржийн цахим хуудсанд зочилж буй Танд энэ өдрийн мэндийг хүргэе.

Монгол улсад хөрөнгийн зах зээл үүсч, Монголын хөрөнгийн бирж байгуулагдсанаас хойш эдүгээ 27 жилийг туулан өнгөрүүлжээ. Өнгөрсөн хугацаанд Монголын хөрөнгийн зах зээлийн техник технологи, хууль эрх зүйн орчин олон улсын жишгийн дагуу шинэчлэгдэж, манай зах зээл хөгжлийн шинэ шатанд гарсан билээ.

Сүүлийн жилүүдэд манай хөрөнгийн зах зээлд хувьцаа бондын арилжаа идэвхжиж, шинээр болон нэмж үнэт цаас гаргах зэрэг олон үйл ажиллагаа амжилттай явагдаж байгаагийн зэрэгцээ онцлог шинэ үйл явдлуудаар өрнүүн байна.

Тухайлбал, өнгөрсөн 2017 онд “Монголын хөрөнгийн бирж” ТӨХК нь үүсгэн байгуулагдсанаас хойш 26-н жилийн түүхэндээ анх удаа 859.2 тэрбум төгрөгийн арилжаа хийж, ТОП-20 индекс 68.9 хувиар өссөн бол зах зээлийн үнэлгээ 67.4 хувь өсч 2.4 их наяд төгрөгт хүрсэн нь сүүлийн 5 жилийн хамгийн дээд үзүүлэлт болсон юм. Мөн 2017 онд “Сүү” ХК нь Монголын хөрөнгийн зах зээлд хамгийн өндөр буюу 6 тэрбум төгрөг үнийн дүнтэй компанийн өрийн хэрэгсэл болох “Сүү Бонд”-ыг амжилттай гаргасан бол “ЛендМн ББСБ” ХК-ийн үнэт цаасны анхдагч зах зээлийн худалдан авах захиалга нь нийлүүлэлтээсээ 16.5 дахин их буюу нийт 41 тэрбум төгрөгт хүрснээр, Монголын хөрөнгийн зах зээлд үнэт цаас гаргасан компаниуд дунд хамгийн их захиалга авсан компани болсон. 2018 онд Канад улсын Торонтогийн хөрөнгийн биржид бүртгэлтэй, Монгол улсад ашигт малтмалын хайгуулын үйл ажиллагаа эрхэлдэг "Эрдэнэ Ресурс Девелопмент Корпорэйшн" Монголын хөрөнгийн биржид үнэт цаасаа бүртгүүлснээр манай зах зээлийн анхны давхар бүртгэлтэй компани боллоо. Энэхүү үйл явдал нь Монгол Улсад үйл ажиллагаа явуулдаг уул уурхайн компаниудын хувьцааг ард иргэд, олон нийт эзэмшиж, байгалийн баялгийн үр шимийг хүртэх боломжийг нэмэгдүүлж байгаагийн зэрэгцээ Монголын хөрөнгийн зах зээлийн хөгжлийг нэгэн шатаар ахиулж, дэлхий нийтийн жишиг хандлагын дагуу хөгжүүлэхэд түүхэн чухал ач холбогдолтой үйл явдал боллоо. Түүнчлэн, даатгалын салбарын тэргүүлэгч компаниуд болох “Мандал даатгал” ХК, “Ард даатгал” ХК нь даатгалын салбараас анх удаа үнэт цаасаа олон нийтэд санал болгон гаргаснаар хөрөнгийн зах зээл дэх дотоодын мэргэжлийн хөрөнгө оруулагчдын оролцоо нэмэгдэж байна.

Бид цаашид олон улсын жишигт нийцсэн төлбөр тооцооны Т+2 горимыг эргэн нэвтрүүлэх чиглэлээр холбогдох мэргэжлийн байгууллагуудтай хамтран ажиллаж, хөрөнгө оруулагч болон үнэт цаас гаргагчид таатай хөрөнгө оруулалтын болон санхүүжилтийн дэд бүтэц, орчин, ил тод нээлттэй зах зээлийг бий болгохоор хичээн ажиллах болно.

Монголын хөрөнгийн зах зээлд тулгамдсан асуудлуудыг шийдвэрлэж, өмнөх зорилтуудаа амжилттай хэрэгжүүлэхэд мэргэжлийн байгууллагууд болон зах зээлийн оролцогчид нягт хамтран ажиллаж, бодит үр дүнд хүрнэ гэдэгт итгэлтэй байгаа бөгөөд хамтран ажилладаг зах зээлийн оролцогчид, үнэт цаас гаргагчид болон хөрөнгө оруулагчид та бүхэнд өндөр амжилт хүсье.


Хөрөнгийн зах зээл цаашид улам хөгжин дэвшиж, хөгжлийн гарц байх болтугай!



Гүйцэтгэх захирал Х.АЛТАЙ

КОМПАНИЙН ТҮҮХ

  • 1991.01.18 - Монголын хөрөнгийн бирж байгуулагдав.

    Монгол Улс төвлөрсөн төлөвлөгөөт эдийн засгаас зах зээлийн эдийн засагт шилжих шилжилтийн тvvхэн vе шатанд Монгол Улсын Засгийн газрын 1991 оны 01 дvгээр сарын 18-ны өдрийн 22 тоот тогтоолоор улсын өмч хувьчлалын ажлыг эхлvvлэх, цаашид vнэт цаасны зах зээлийг хөгжvvлэх зорилгоор Монголын хөрөнгийн биржийг vvсгэн байгуулсан.

  • 1992.02.07 - Үнэт цаасны анхдагч зах зээлийн арилжаа явагдав.

    Засгийн газрын өмч хувьчлалын бодлогын хүрээнд 475 улсын үйлдвэрийн газрыг хувьцаат компанийн хэлбэрт шилжүүлэн, тэдгээрийн нийт 8.2 тэрбум төгрөгийн vнэлгээ бүхий 96.1 сая ширхэг хувьцааг МХБ-ээр дамжуулан иргэдэд хөрөнгө оруулалтын эрхийн бичгээр эзэмшүүлсний дүнд нийт хүн амын 52 орчим хувь буюу 1.2 сая хүн хувьцаа эзэмшигч болжээ.

  • 1994.09.26 - Үнэт цаасны зах зээлийн тухай хууль батлагдав.

    Yнэт цаасны анхны хууль 1994 онд батлагдсанаар Yнэт Цаасны Хороо байгуулагдаж, МХБ-ийн түр дүрмийг шинэчлэн баталсанаар МХБ нь зөвхөн vнэт цаас арилжих, түүнтэй холбоотой ажил vйлчилгээ эрхлэх зорилго бүхий төрийн өмчийн, ашгийн төлөө бус хуулийн этгээдийн статустай болсон юм.

  • 1995.08.28 – Үнэт цаасны хоёрдогч зах зээлийн арилжаа эхлэв.

    Бэлэн мөнгөний арилжаа буюу үнэт цаасны арилжааны хоёрдогч зах зээл эхэлснээр МХБ-ийн санхүүжилтээр vйл ажиллагаа явуулж байсан 29 брокерийн пүүсийг хувьчилж, брокер, дилерийн үйл ажиллагаа явуулах эрх бүхий бие даасан хуулийн этгээд болон зохион байгуулжээ.

  • 1996.10.25 – Засгийн газрын бондын анхны арилжаа явагдлаа.

    Засгийн газар 1996 онд төсвийн алдагдлыг санхүүжүүлэх зорилгоор анх бонд гаргаж байсан бол 2011 онд Засгийн газрын бондын арилжаа 14 удаа явагдаж, “4000 төрийн албан хаагчдыг орон сууцны урт хугацаат зээлд хамруулах” хөтөлбөрийн санхүүжилтэд 65.0 тэрбум төгрөгийн бонд, ноос ноолуурын болон жижиг дунд үйлдвэрлэлийг дэмжих хөтөлбөр”-ийн санхүүжилтэд 171.7 тэрбум төгрөгийн бонд арилжиж, нийт 236.7 тэрбум төгрөгийн үнийн дүн бүхий 2.4 сая ширхэг бондыг арилжаалж байжээ.

  • 1999 – ТОР-75 индекс тооцож эхлэв.

    МХБ-д бүртгэлтэй хувьцаат компаниудыг зах зээлийн үнэлгээ, арилжааны өдрийн дундаж гүйлгээ гэсэн үзүүлэлтээр байр эзлүүлэн эхний 75 компанийн арилжааны үзүүлэлтийг үндэслэн “ТОР-75” индексийг тооцож эхэлжээ.

  • 2001.06.08 – Компанийн бондын арилжаа явагдаж эхлэв.

    “Барилга корпораци” ХХК компани нь “Шинэ зуун-210” нэртэй 210,000 ширхэг компанийн бондыг Монголын хөрөнгийн биржид бүртгүүлж арилжаалсан нь компанийн бонд гаргасан анхны компани болов.

  • 2005.05.25 – Анхны IPO гарав.

    "Монгол шилтгээн" ХХК нь 800 сая төгрөгийн үнийн дүн бүхий 1 сая ширхэг хувьцааг Монголын хөрөнгийн биржид бүртгүүлж, олон нийтэд нээлттэйгээр санал болгон арилжаалсан нь Монголын хөрөнгийн бирж дээр IPO хийсэн анхны компани болов.

  • 2011.04.27 – Лондонгийн хөрөнгийн биржтэй “Ажлын мастер гэрээ” байгуулав.

    Монгол Улсын Засгийн газраас хөрөнгийн зах зээлийг олон улсын жишигт нийцүүлэн хөгжүүлэх зорилгын хүрээнд, 2011 оны 4 дүгээр сарын 07-ны өдөр Монголын хөрөнгийн бирж болон Лондонгийн хөрөнгийн бирж групп нь “Ажлын мастер гэрээ”-г байгуулснаар хөрөнгийн зах зээлийн шинэчлэлийн ажил эхлүүлэв.

  • 2012.07.02 - Арилжаа, Төлбөр Тооцоо, Хяналт, Хадгаламжийн “Миллениум Ай Ти” цогц системийг зах зээлд нэвтрүүллээ.

    Дотоодын хөрөнгийн зах зээлийн дэд бүтцийг олон улсын жишигт нийцүүлэх зорилгын хүрээнд дэлхийн 20 гаруй улсын 30 гаруй хөрөнгийн бирж болон бусад санхүүгийн байгууллагуудад ашиглагддаг “Миллениум Ай Ти" Арилжаа, Төлбөр, Тооцоо, Хяналт, Хадгаламжийн цогц системийг зах зээлд нэвтрүүлэв.

  • 2012.08.27-Монгол Улсын хөрөнгийн зах зээл FTSE-ийн “Хөгжиж буй” зах зээлийн зэрэглэлийн “Ажиглалтын жагсаалт”-нд багтав.

    Олон улсын хэмжээнд хөрөнгийн зах зээлийн индексийн тооцоо, судалгааны чиглэлээр тэргүүлэгч Их Британийн FTSE групп Монгол Улсын хөрөнгийн зах зээлийг “Хөгжиж буй” (Frontier Market) зах зээлийн зэрэглэлд оруулахаар “Ажиглалтын жагсаалт”-нд багтаасан байна.

  • 2013.05.24 - Үнэт цаасны зах зээлийн тухай хуулийн шинэчилсэн найруулга батлагдав.

    Үнэт цаасны зах зээлийн тухай хуулийн шинэчилсэн найруулга батлагдсанаар хөрөнгийн зах зээлийн хууль эрх зүйн орчин олон улсын сайн туршлагын дагуу шинэчлэгдэх нөхцөл бүрдсэн бөгөөд тус хуулийг үндэслэн "Хөрөнгө оруулалтын сангийн тухай хууль" болон зах зээлийн бусад дүрэм, журмууд шинээр батлагдсан юм.

  • 2013.10.03 - Хөрөнгө оруулалтын сангийн тухай хууль батлагдлаа.

    Хөрөнгийн зах зээлийн идэвхтэй оролцогчид болох мэргэжлийн хөрөнгө оруулагчдын бүтэц, зохион байгуулалтыг сонгодог утгаар нь бий болгон хөгжүүлэхэд шаардлагатай эрх зүйн гол баримт бичиг болох “Хөрөнгө оруулалтын сангийн тухай хууль” батлагдсанаар гадаадын шууд бус хөрөнгө оруулалтыг хөхиүлэн дэмжих, үнэт цаасны зах зээлд жирийн иргэдийн оролцох оролцоог нэмэгдүүлэх замаар хөрөнгийн зах зээлийн цаашдын хөгжлийг эрчимжүүлэхэд чухал хувь нэмэр оруулах юм.

  • 2015.12.02 - Монголын хөрөнгийн бирж өөрийгөө зохицуулах байгууллага боллоо.

    2015 оны 10 дугаар сарын 13-ны өдрийн Санхүүгийн зохицуулах хорооны ээлжит бус хуралдаанаар Монголын хөрөнгийн биржийг Өөрийгөө зохицуулах байгууллагаар бүртгэх шийдвэрийг гаргалаа. Өөрийгөө зохицуулах байгууллагын статустай болсноор өөрийн гишүүн үнэт цаасны компани, бүртгэлтэй хувьцаат компаниудад нэгдсэн стандарт, ёс зүйн хэм хэмжээ тогтоож мөрдүүлэх, шалгуур, шаардлага хангахгүй байгаа компанид хариуцлага хүлээлгэн өргөн хэмжээнд ажиллахаас гадна хөрөнгийн зах зээлийн чиглэлээр гадаадын хөрөнгийн бирж, олон улсын байгууллагатай хамтран ажиллах бүхий л боломж нээгдэж байгаа юм.

  • 2016.01.05 - Төрийн өмчийн хувьчлалыг хөрөнгийн биржээр олон нийтэд нээлттэй явуулж эхлэв.

    УИХ, Засгийн газраас баталсан 2015-2016 онд төрийн өмчийг хувьчлах, өөрчлөн байгуулах тухай тогтоолын дагуу ”Монгол шуудан” ХК-ийн 34 хувийг олон нийтэд нээлттэй, ил тод байдлаар хувьчилж, 6.2 тэрбум төгрөгийг амжилттай татан төвлөрүүлэв.

  • 2017.06.29 - Монголын хөрөнгийн зах зээлд хамгийн өндөр үнийн дүн бүхий компанийн өрийн хэрэгсэл гарч, амжилттай арилжаалагдав.

    “Сүү” ХК-ийн хувьцаагаар баталгаажсан 100,000 төгрөгийн нэрлэсэн үнэтэй, нэг жилийн хугацаатай, жилийн 17.5 хувийн хүүтэй өрийн хэрэгсэл болох “Сүү Бонд” нь 2017 оны 6 дугаар сарын 29-ний өдөр Монголын хөрөнгийн биржээр олон нийтэд нээлттэйгээр худалдагдаж, анхдагч зах зээлд нийт 6 тэрбум төгрөг, хоёрдогч зах зээлд нийт 4.7 тэрбум төгрөгөөр арилжаалагдсан нь Монголын хөрөнгийн зах зээлд арилжигдсан хамгийн өндөр үнийн дүнтэй өрийн хэрэгсэл болсон юм.

  • 2017.12.31 – Түүхэн дээд арилжаа хийгдэв.

    “Монголын хөрөнгийн бирж” ТӨХК нь үүсгэн байгуулагдсанаас хойш 26-н жилийн түүхэндээ анх удаа 859.2 тэрбум төгрөгийн арилжаа хийв.

  • 2018.01.02 - MSE A болон MSE В индексүүдийг тооцож эхлэв.

    МХБ-ийн бүртгэлийн I болон II ангиллын компаниудын үнэт цаасны үнийн ерөнхий өөрчлөлтийг илэрхийлэх MSE A болон MSE B индексийг 2018 оны 1 дүгээр сарын 2-ны өдрөөс эхлэн тооцож эхлэв.

  • 2018.03.13 - Хамгийн их захиалга авсан IPO хийгдлээ.

    Банк бус санхүүгийн зах зээлийн төлөөлөл “ЛендМн ББСБ” ХК-ийн үнэт цаасны анхдагч зах зээлийн худалдан авах захиалга нь нийлүүлэлтээсээ 16.5 дахин их буюу нийт 41 тэрбум төгрөгт хүрснээр, Монголын хөрөнгийн зах зээлд үнэт цаас гаргасан компаниуд дунд хамгийн их захиалга авсан компани болов.

  • 2018.04.04 - Хамгийн анхны гадаадын үнэт цаасыг давхар бүртгэв.

    Монгол улсад үнэт цаасаа давхар бүртгүүлэх хүсэлт ирүүлсэн анхны компани болох Канад улсын Торонтогийн хөрөнгийн биржид бүртгэлтэй "Эрдэнэ Ресурс Девелопмент Корпорэйшн"-ийн үнэт цаасыг Монголын хөрөнгийн биржийн 3-р ангилалд бүртгэв.

  • 2018. 5-6 сар - Монголын даатгалын салбарын анхны компани үнэт цаасаа бүртгүүлэв.

    Монголын даатгалын салбарын тэргүүлэгч компаниуд болох “Мандал даатгал” ХК, “Ард даатгал” ХК нь даатгалын салбараас анх удаа үнэт цаасаа олон нийтэд санал болгон гаргаснаар хөрөнгийн зах зээлд оролцох дотоодын мэргэжлийн хөрөнгө оруулагчдын оролцоо нэмэгдэх нөхцөл бий болов.

ТӨЛӨӨЛӨН УДИРДАХ ЗӨВЛӨЛ

“Монголын хөрөнгийн бирж” ТӨХК-ийн Төлөөлөн удирдах зөвлөл нь 2018 онд нийт 10 удаа хуралдаж, байгууллагын үйл ажиллагаатай холбоотой нийт 20 тогтоол, 10 тэмдэглэл гаргажээ. “МХБ” ТӨХК-ийн ТУЗ-ийн гишүүдийн цалин, урамшуулалын дээд хэмжээ нь Засгийн газрын 2016 оны 80 дугаар тогтоолоор батлагдсан “Төрийн өмчийн оролцоотой хуулийн этгээдэд төрийн өмчийн төлөөллийг хэрэгжүүлэх журам”-аар зохицуулагддаг.

ТУЗ-ийн дарга:

  • М.Батхуяг /Сангийн яамны Төрийн сангийн газрын дарга/

ТУЗ-ийн хараат гишүүд:

  • Б.Сүх-Очир /Сангийн яамны Санхүүгийн бодлогын газрын Өрийн удирдлагын хэлтсийн дарга/
  • Д.Баянзул /Монгол банкны Эрсдлийн удирдлагын албаны захирал/
  • Л.Сонор /Сангийн яамны Санхүүгийн бодлогын газрын Санхүүгийн зах зээл, даатгалын хэлтсийн дарга/
  • М.Аясгалан /УУХҮЯ-ны Санхүүгийн хэлтсийн дарга/

ТУЗ-ийн хараат бус гишүүд:

  • Р.Гандиймаа /МҮОНРТ-ийн “Монголын мэдээ” сувгийн захирал/
  • А.Батпүрэв /“Скайтел групп” ХХК-ийн Стратеги, удирдлагын захирал/
  • А.Анар /“МИК ОССК” ХХК-ийн Үйл ажиллагааны газрын захирал/

БАЙГУУЛЛАГЫН БҮТЭЦ

Удирдлагууд:

  • Гүйцэтгэх захирал:
    • Х.Алтай
  • Газрын захирлууд:
    • Н.Дөл-Эрдэнэ /Захиргаа, Санхүүгийн газар/
    • Д.Энхзул /Үйл ажиллагааны газар/
    • А.Мөнхбаясгалан /Хяналт, Зохицуулалтын газар/

ЦАГИЙН ХУВААРЬ

Монголын хөрөнгийн бирж Даваа - Баасан гаригуудад 08:30 - 17:30 цагийн хооронд ажиллана.
Хөрөнгийн биржийн үнэт цаасны арилжаа 10:00 - 13:00 цагийн хооронд явагддаг.
Арилжааны үе Үргэлжлэх хугацаа Эхлэх цаг Дуусах цаг
Нээлтийн дуудлага худалдаа 20 минут 09:40:00 10:00:00
Энгийн арилжаа 3 цаг 10:00:00 13:00:00
Хаалтын ханш тогтоох 5 минут 13:00:00 13:05:00
Монголын хөрөнгийн бирж нь 2019 онд нийтээр тэмдэглэх баярын болон тэмдэглэлт дараах өдрүүдэд амарна. Үүнд:
Бүх нийтээр тэмдэглэх баярын өдөр Огноо
2019 он
Шинэ жил Нэгдүгээр сарын 1 /Даваа/
Цагаан сар Хоёрдугаар сарын 5-8 /Мягмар-Баасан/
Олон улсын эмэгтэйчүүдийн өдөр Гуравдугаар сарын 8 /Баасан/
Хүүхдийн баяр Зургаадугаар сарын 1 /Бямба/
Үндэсний их баяр наадам Долоодугаар сарын 11, 12, 13, 14 /Пүрэв-Ням/
Их эзэн Чингис хааны төрсөн өдөр* Билгийн тооллын өвлийн тэргүүн сарын шинийн 1
Тусгаар тогтнолын баяр* Арван нэгдүгээр сарын 26 /Мягмар/
Үндэсний эрх чөлөө, тусгаар тогтнолоо сэргээсний баярын өдөр Арванхоёрдугаар сарын 29 /Ням/
*Тухайн баярын өдрүүдэд амрах эсэхийг жич мэдэгдэнэ.
Holiday Date
2019
New Year 1st January /Tuesday/
Mongolian Lunar New Year 5th to 8th Feb /Tuesday – Friday/
International Women’s Day 8th March /Friday/
Children’s Day 1st June /Saturday/
National Naadam 11th to 14th July /Thursday-Sunday/
Great Chinggis Khaan Day* Early November*
The Independence Day* 26th November /Tuesday/
National Liberation and Restoration of Independence Day 29th December /Sunday/
*The date will be determined according to the lunar calendar.

Бидэнтэй Холбоо барих

Хаяг Монголын Хөрөнгийн Бирж, Сүхбаатарын талбай-3, Улаанбаатар 15160, Монгол улс
Уулзалтын хуваарь Цаг авах
Имэйл хаяг info@mse.mn
Холбоо барих 976-11-313747-/3312/

Монголын Хөрөнгийн Бирж © 2018 он