IPO

Индекс

19529.15

( -213.7 -1.08% )
Индекс Нэгж Өөрчлөлт
Top 20 Индекс 19529.15 -213.7
MSE A Индекс 9036.62 -133.06
MSE B Индекс 7813.84 69.82

Мэдээ мэдээлэл

НЭЭЛТТЭЙ АЖЛЫН БАЙР

2019-08-21 14:28:26

“Монголын хөрөнгийн бирж” ТӨХК-д Ерөнхий нягтлан бодогч сонгон шалгаруулж авна.

МХБ-ИЙН 2019 ОНЫ ЭХНИЙ ХАГАС ЖИЛИЙН ҮЙЛ АЖИЛЛАГААНЫ ТОЙМ

2019-08-20 17:18:29

Нийт арилжаа өмнөх оны мөн үеэс 16.1 хувиар, зах зээлийн үнэлгээ 4.83 хувиар, анхдагч зах зээлийн арилжаа 205 хувиар тус тус өссөн байна.

8-Р САРЫН 20-НЫ ӨДРИЙН АРИЛЖААНЫ МЭДЭЭ

2019-08-20 14:09:55

2019 оны 8 дугаар сарын 20-ны өдөр хоёрдогч зах зээлийн арилжаагаар 77.6 сая төгрөгийн үнэт цаас арилжаалагдсан байна.

Мэдээ мэдээлэл

"МОНГОЛЫН ХӨРӨНГИЙН БИРЖ" ТӨХК 2018 ОНД

2019-02-18 17:28:07

"Монголын хөрөнгийн бирж" ТӨХК нь 2018 онд нийт 252 удаагийн арилжаа зохион байгуулж, хувьцааны анхдагч болон хоёрдогч зах зээлийн арилжаагаар 136 компанийн 666.8 сая ширхэг хувьцааг 210.0 тэрбум төгрөгөөр, ЗГҮЦ-ны хоёрдогч зах зээлийн арилжаагаар нийт 332.8 мянган ширхэг үнэт цаасыг 33.5 тэрбум төгрөгөөр, компанийн бондын хоёрдогч зах зээлийн арилжаагаар нийт 6.3 мянган ширхэг бондыг 631.6 сая төгрөгөөр тус тус арилжиж, нийт 244.1 тэрбум төгрөгийн арилжаа хийсэн байна.

Тайлант хугацааны голлох үйл явдлууд, өөрчлөлтүүдийг дурдвал: 

  • МХБ нь үүсгэн байгуулагдсанаас хойшхи түүхэндээ жилд хамгийн олон буюу нийт 5 шинэ, 2 нэмэлт үнэт цаасыг бүртгэж, анхдагч зах зээлд нийт 31.4 тэрбум төгрөгийн арилжаа хийв;

  • Канад улсын Торонтогийн хөрөнгийн биржид бүртгэлтэй "Эрдэнэ Ресурс Девелопмент Корпорэйшн" нь Монголын хөрөнгийн биржид хувьцаагаа бүртгүүлснээр үнэт цаасны давхар бүртгэл хөрөнгийн зах зээлд нэвтэрсэн; 

  • МХБ-ийн үйл ажиллагааны үндсэн журмууд болох "Арилжааны журам", "Үнэт цаасны бүртгэлийн журам", "Үнэт цаасны үнийн индекс тооцох журам", "Үнэт цаасны анхдагч зах зээлийн арилжааны журам", "Гишүүнчлэлийн журам"-ууд шинэчлэн батлагдсан;

  • ЗГҮЦ-ны арилжаа 2015-2017 онуудад нийт арилжааны үнийн дүнгийн 85-95 орчим хувийг эзэлдэг байсан бол 2018 онд ЗГҮЦ-ны анхдагч зах зээлийн арилжаа огт явагдаагүйн улмаас энэ нь нийт арилжааны дөнгөж 13.7 хувийг бүрдүүлсэн байна; 

  • МХБ нь тайлант хугацаанд Улсын төсвөөс ямар нэгэн санхүүжилт авалгүйгээр хөрөнгийн зах зээлийн дэд бүтцийн аюулгүй, найдвартай, хэвийн ажиллагааг хангаж ажиллахад 838.9 сая төгрөгийг компанийн өөрийн эх үүсвэрээс төлж, шийдвэрлэн санхүүгийн хувьд Улсын төсвөөс хараат бус байдалд шилжлээ. 

Санхүүгийн үзүүлэлтийн хувьд 2017 онтой харьцуулахад хувьцааны арилжаа 2.7 дахин нэмэгдсэн хэдий ч Засгийн газрын үнэт цаасны арилжаа 739 тэрбум төгрөгөөр буурснаар компанийн үйл ажиллагааны нийт орлого 1.8 тэрбум төгрөгт хүрч, өмнөх оноос 6.95 хувиар буурсан үзүүлэлттэй, нийт үйл ажиллагааны зардлын дүн 2.6 тэрбум төгрөгт хүрч, 805.1 сая төгрөгийн татварын өмнөх алдагдлыг хүлээн зөвшөөрсөн бөгөөд Улсын төсөвт нийт 362.4 сая төгрөгийн татвар, шимтгэлийг төлсөн байна. 

Дэлгэрэнгүйг эндээс үзнэ үү. 

 

 

МОНГОЛЫН ХӨРӨНГИЙН БИРЖ