20060.16

( 106.06 0.53% )
Индекс Нэгж Өөрчлөлт
Top 20 Индекс 20060.16 106.06
MSE A Индекс 9653.31 119.77
MSE B Индекс 8946.65 -18.3

Мэдээ мэдээлэл

“МАНДАЛ ДААТГАЛ” ХК-ИЙН АНХДАГЧ ЗАХ ЗЭЭЛИЙН АРИЛЖААНЫ ЗАХИАЛГА НИЙЛҮҮЛТЭЭСЭЭ 23 ХУВИАР ДАВЖ ХААГДЛАА

2018-09-18 17:01:49

“Мандал Даатгал” ХК-ийн олон нийтэд санал болгосон хувьцааны анхдагч зах зээлийн арилжаанд 861 хувь хүн, аж ахуйн нэгж оролцож, нийтдээ 1,916,207 ширхэг хувьцаа худалдан авах захиалга ирүүлсэн байна.

9-Р САРЫН 18-НЫ ӨДРИЙН АРИЛЖААНЫ МЭДЭЭ

2018-09-18 16:09:34

2018 оны 9 дүгээр сарын 18-ны өдөр хоёрдогч зах зээлийн арилжаагаар 99.6 сая төгрөгийн үнэт цаас арилжаалагдсан байна.

АЖЛЫН БАЙРНЫ ЗАРЛАЛ

2018-09-18 11:29:41

“Монголын хөрөнгийн бирж” төрийн өмчит хувьцаат компанийн Мэдээлэл технологийн албанд Мэдээлэл, технологийн үйлчилгээний  инженер сонгон шалгаруулж авна.  

Мэдээ мэдээлэл

“АЙТҮҮЛС” ХК-ИЙН АНХДАГЧ ЗАХ ЗЭЭЛИЙН АРИЛЖААНЫ ЗАХИАЛГЫН НЭЭЛТ, ЦАН ЦОХИХ ЁСЛОЛ БОЛЛОО

2017-11-01 11:07:08

Монголын хөрөнгийн биржид бүртгэлтэй “АйТүүлс” ХК-ийн анхдагч зах зээлийн арилжааны захиалгын нээлт болон цан цохих ёслолын үйл ажиллагаа өнөөдөр болж өнгөрлөө. Цан цохих үйл ажиллагаанд Монголын хөрөнгийн биржийн Гүйцэтгэх захирал Х.Алтай, Програм хангамж үйлдвэрлэгчдийн холбооны ерөнхийлөгч Ж.Тамир, “АйТүүлс” ХК-ийн үүсгэн байгуулагч А.Баттамир, “АйТүүлс” ХК-ийн гүйцэтгэх захирал И.Алтантулга болон “Стандарт Инвестмент ҮЦК” ХХК-ийн захирал Ч.Жаргал нар оролцож, Монголын хөрөнгийн биржийн 5,588 дахь арилжааг эхлүүлэх хүндэтгэлийн цанг цохилоо. 

“Айтүүлс” ХК нь 2011 онд үүсгэн байгуулагдсан бөгөөд интернетийн технологид суурилсан дата төвийн үйлчилгээ болон түүний дагалдах үйлчилгээ болох домэйн нэрийн бүртгэл, сервер байршуулах үйлчилгээ зэрэг 30 гаруй төрлийн бүтээгдэхүүн, үйлчилгээг цогцоор нь үзүүлдэг. Тус компани нь нийт хувьцааны 38.8 хувийг олон нийтэд санал болгох бөгөөд татан төвлөрүүлсэн хөрөнгөөрөө дата төвийн үйлчилгээгээ тэлж, газарзүйн нөөц байршил болох Дархан хотод олон улсын TIER III стандартын шаардлагыг хангасан Модуляр дата төвийн паркийг байгуулахаар зорин ажиллаж байна.

“АйТүүлс” ХК-ийн андеррайтер компаниар “Стандарт Инвестмент ҮЦК” ХХК ажиллаж байгаа бөгөөд үнэт цаасны захиалгыг өнөөдрөөс эхлэн 2017 оны 11 дүгээр сарын 10-ны өдөр хүртэл авч анхдагч зах зээлийн арилжааг эхлүүлэх юм. Тус компанийн үнэт цаасны дэлгэрэнгүй танилцуулгыг өнөөдрөөс 2017 оны 11 дүгээр сарын 09-ний өдрийг хүртэл өдөр бүр 12:00-13:30 цагт МХБ-ийн байранд олон нийтэд танилцуулах тул сонирхсон хөрөнгө оруулагч та бүхнийг хүрэлцэн ирэхийг урьж байна. 

Үнэт цаасны товч танилцуулгыг энд дарж үзнэ үү

Үнэт цаасны дэлгэрэнгүй танилцуулгыг энд дарж үзнэ үү

Үнэт цаасны арилжаанд оролцох зааврыг энд дарж үзнэ үү

 

МОНГОЛЫН ХӨРӨНГИЙН БИРЖ