“Монголын хөрөнгийн бирж” ХК-ийн Уул уурхайн бүтээгдэхүүний арилжаа, бүртгэлийн газраас өнөөдөр /2024.04.10/ Зэсийн баяжмалын арилжаанд оролцох хүсэлтэй худалдан авагчдад зориулж цахим сургалтыг давтан зохион байгууллаа.

Тус сургалтыг "Эрдэнэт үйлдвэр" ТӨҮГ-тай хамтран зохион байгуулсан ба биржээр арилжих Зэсийн баяжмалын арилжаанд хэрхэн оролцох талаар дэлгэрэнгүй мэдээллийг оролцогчдод өгсөн.

Сургалтад Чех, Бүгд Найрамдах Серби Улс, БНСУ, Сингапур, Герман, Вьетнам, БНХАУ болон Монгол улсаас 60 гаруй төлөөлөл оролцлоо.

МОНГОЛЫН ХӨРӨНГИЙН БИРЖ