ЗАРИМ КОМПАНИУДЫН ГИШҮҮНЧЛЭЛИЙН ЖИЛИЙН ХУРААМЖИЙГ ХӨНГӨЛЛӨӨ
Монголын хөрөнгийн биржийн Гүйцэтгэх захирлын тушаалаар зарим гишүүн үнэт цаасны компанийн гишүүнчлэлийн хураамжийг хөнгөлөхөөр боллоо.
Монгол Улсын Компанийн тухай хуулийн 83.1 зүйл, “Монголын хөрөнгийн бирж” ТӨХК-ийн Дүрмийн 8.10.11 заалт, Гишүүнчлэлийн журмын 3.3.2 дахь заалтыг тус тус үндэслэн гаргасан Монголын хөрөнгийн биржийн Гүйцэтгэх захирлын А/19 тоот тушаалын дагуу 2018 онд хийгдсэн арилжааны үнийн дүнгээр тэргүүлэн, МХБ-ийн нийт арилжааны үнийн дүнгийн 5-аас дээш хувьтай тэнцэх хэмжээний гүйлгээг хийсэн дараах нэр бүхий 6 гишүүн үнэт цаасны компанийг 2019 оны гишүүнчлэлийн жилийн хураамжаас тус бүр 10 хувийн хөнгөлөлт эдлүүлэхээр боллоо.
Д/д | Гишүүн ҮЦК-ийн нэрс | Нийт арилжааны үнийн дүн | Эзлэх хувь |
1 | "Голомт Капитал ҮЦК" ХХК | 194,959,607,638 | 39.90% |
2 | "Ти Ди Би Капитал ҮЦК" ХХК | 71,583,559,504 | 14.70% |
3 | "Мирэ Эссэт Секьюритис Монгол ҮЦК" ХХК | 58,233,086,525 | 11.90% |
4 | "Би Ди Сек ҮЦК" ХК | 39,510,233,868 | 8.10% |
5 | "Новел инвестмент ҮЦК" ХХК | 28,210,906,685 | 5.80% |
6 | "Бумбат-Алтай ҮЦК" ХХК | 24,578,030,928 | 5.00% |
МОНГОЛЫН ХӨРӨНГИЙН БИРЖ