MSE
Бусад мэдээ
Үйл явдал

ТӨРИЙН ӨМЧИЙН ХОРООНООС “МХБ” ТӨХК-ИЙН ГҮЙЦЭТГЭХ ЗАХИРЛЫГ СОНГОН ШАЛГАРУУЛАХААР ЗАРЛАЛАА

2014-02-04

Төрийн өмчийн хорооноос “МХБ” төхк-ийн гүйцэтгэх захирлыг сонгон шалгаруулахаар зарлалаа.

НЭР ДЭВШИГЧДЭД ТАВИГДАХ ЕРӨНХИЙ ШААРДЛАГА:

  • Хөрөнгийн биржийн үндсэн үйл ажиллагааны чиглэлээр болон санхүү, эдийн засаг, бизнесийн удирдлага, магистраас доошгүй зэрэгтэй

  • Мэргэжлээрээ 8-аас доошгүй жил ажилласан, үүнээс 4-өөс доошгүй жил нь хөрөнгийн зах зээлд мэргэжлийн үйл ажиллагаа эрхэлдэг хуулийн этгээдэд эрх бүхий албан тушаал хашсан байх

  • Монголын хөрөнгийн бирж ТӨХК-ийн зорилтот түвшинг ханган биелүүлэх, үйл ажиллагааг нь цааш хөгжүүлэх хөтөлбөрөө боловсруулсан, түүнийгээ хамгаалан, биелүүлж чадаагүйн төлөө хариуцлага хүлээхэд бэлэн гэдгээ бичгээр илэрхийлсэн байх

  • Зээл, батлан даалт, баталгааны гэрээгээр хүлээсэн хугацаа хэтэрсэн аливаа өргүй байх

  • Эрх бүхий албан тушаалтнаар нь ажиллаж байсан хуулийн этгээд дампуурсан, төлбөрийн чадваргүй болсон нь тухайн этгээдээс аливаа хэлбэрээр шалтгаалаагүйг нь нотолсон байх

  • Тодорхой албан тушаал эрхлэх буюу тодорхой үйл ажиллагаа явуулах эрхийг нь шүүхийн шийдвэрээр хассан эрүүгийн гэмт хэрэгт ял холбогдож шийтгүүлж байгаагүй байх

  • Хөрөнгийн зах зээлд мэргэжлийн үйл ажиллагаа эрхэлдэг байгууллагад эрх бүхий албан тушаалтнаар ажиллаж байх үедээ захиргааны хариуцлага хүлээсэн бол үүнээс хойш 3 жил өнгөрсөн байх

  • Англи хэлний ярианы болон бичгийн гүнзгий мэдлэгтэй

  • Компьютерын өргөн хэрэглээний программ дээр чөлөөтэй ажилладаг

  • Олон улсын хөрөнгийн зах зээлд ажилласан туршлагатай, баг бүрдүүлж тодорхой амжилт гаргасан, өндөр ёс зүйтэй, компанийн засаглалын сургалтад хамрагдсан бол давуу тал болно.

БҮРДҮҮЛЭХ МАТЕРИАЛ:

  • Монголын хөрөнгийн бирж ТӨХК-ийг удирдах үйл ажиллагааны хөтөлбөр

  • Шалгаруулалтад оролцохыг хүссэн өргөдөл

  • Тухайн нэр дэвшигчийн биеийн байцаалт /Төрийн албан хаагчийн анкет/

  • Оршин суугаа засаг захиргааны нэгжийн тодорхойлолт

  • Цахим үнэмлэхний нотариатаар баталгаажуулсан хуулбар

  • Мэргэжлийн байдлыг тодорхойлсон баримт бичгийн нотариатаар баталгаажуулсан хуулбар /Диплом, үнэмлэх, сертификат гэх мэт/

  • Нийгмийн даатгалын дэвтрийн нотариатаар баталгаажуулсан хуулбар

  • Өмнө нь болон одоо ажиллаж байгаа албан байгууллагын тодорхойлолт

  • Эрх бүхий албан тушаалтнаар нь ажиллаж байсан хуулийн этгээд дампуурсан, төлбөрийн чадваргүй болсон нь тухайн этгээдээс аливаа хэлбэрээр шалтгаалсан эсэх тухай шүүхийн лавлагаа

  • Хугацаа хэтэрсэн зээлийн үлдэгдэл байгаа эсэх талаарх холбогдох байгууллагын лавлагаа

  • Гүйцэтгэх захиралд тавигдах шаардлагыг хангаж байгаатай холбогдох бусад баримт бичиг.

МАТЕРИАЛ ХҮЛЭЭН АВАХ ХУГАЦАА:

2014 оны 03 дугаар сарын 10-ны өдрийн 17.00 цаг хүртэл.

МАТЕРИАЛ ХҮЛЭЭН АВАХ ХАЯГ:

Улаанбаатар хот, Чингэлтэй дүүрэг, Засгийн газрын 04 дүгээр байр, Төрийн өмчийн хороо, 415 тоот өрөө, Төрийн өмчийн удирдлагын газрын мэргэжилтэн Ш.Энх-Амар, Утас: 261168а, 99094371.

ЖИЧ: Нэр дэвшигч нь сонгон шалгаруулалтад орох материалаа дээрх хаягаар өөрийн биеэр буюу өөрийн итгэмжлэгдсэн төлөөлөгчөөр, эсхүл баталгаат шуудангаар зар мэдээнд заасан хугацаанд багтаан ирүүлнэ.

“МХБ” ТӨХК-ийн гүйцэтгэх захирлын сонгон шалгаруулалтын зарыг энд дарж үзнэ үү.

ТӨРИЙН ӨМЧИЙН ХОРОО